Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
ذَٰلِكَ بِأَنَّ ٱللَّهَ نَزَّلَ ٱلْكِتَـٰبَ بِٱلْحَقِّ ۗ وَإِنَّ ٱلَّذِينَ ٱخْتَلَفُوا۟ فِى ٱلْكِتَـٰبِ لَفِى شِقَاقٍۭ بَعِيدٍ 176
(176) “Hayo,” yaliyotajwa ambayo ni malipo yake kwa uadilifu, na kuzuia kwake sababu za uwongofu kwa yule aliyezikataa na akachagua zisizokuwa hizo. “Ni kwa sababu Mwenyezi Mungu ameteremsha Kitabu kwa haki.” Na katika haki ni kumlipa mwema kwa wema wake, na mwovu kwa wovu wake. Na pia katika kauli yake, “ameteremsha Kitabu kwa haki;” kuna dalili ya kuwa Mwenyezi Mungu alikiteremsha ili kuwaongoa viumbe wake, na kubainisha haki kutokana na batili. Kwa hivyo, mwenye kukigeuza kutoka kwa makusudio yake, basi yeye anastahiki kulipwa kwa adhabu kubwa kabisa. “Na hakika, wale waliohitilafiana katika Kitabu wamo katika upinzani ulio mbali na haki.” Yani kwa hakika wale waliohitalifiana katika Kitabu, na wakaamini baadhi yake na baadhi yake wakaikataa, na wale waliokibadilisha na wakakigeuza kwa matamanio yao na malengo yao. “Wamo katika upinzani ulio mbali na haki” kwa sababu walikihalifu Kitabu kilicholeta haki yenye kuleta kuafikiana na kutopingana. Basi mambo yao yakachafuka, na upinzani wao ukawa mwingi, na hilo likasababisha kujitenga kwao, kinyume na Ahlul-Kitab (watu wa Kitabu). Ambao walikiamini na wakahukumu kwacho katika kila jambo, hao walikubaliana na wakafanya urafiki kwa mapenzi na umoja juu yake. Aya hizi zilijumuisha tishio kwa wale wanaoficha aliyoyateremsha Mwenyezi Mungu. Wanaopendelea badala yake mapambo ya dunia kwa adhabu na ghadhabu, na kwamba Mwenyezi Mungu hatawatakasa kwa kuwawezesha wala kwa msamaha. Na akataja sababu ya hayo, kwamba ni kupendelea kwao upotovu kuliko uwongofu, na hilo likapelekea kuchagua adhabu kuliko msamaha. Kisha akawaonea uchungu katika ukubwa wa subira yao juu ya moto, kwa sababu ya kutenda kwao sababu ambazo wanajua kuwa zinafikisha huko. Na kwamba Kitabu hiki kinajumuisha haki inayolazimu mapatano juu yake, na kutotengana. Na kwamba kila anayekipinga yuko mbali sana na haki, na kwamba yuko katika mzozo na ugomvi, na Mwenyzi Mungu anajua zaidi.