Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
يَـٰٓأَيُّهَا ٱلَّذِينَ ءَامَنُوا۟ كُلُوا۟ مِن طَيِّبَـٰتِ مَا رَزَقْنَـٰكُمْ وَٱشْكُرُوا۟ لِلَّهِ إِن كُنتُمْ إِيَّاهُ تَعْبُدُونَ 172
Hii ni amri kwa Waumini hasa, baada ya amri ya jumla. Na hilo ni kwa sababu wao ndio wanaonufaika kwa hakika na maamrisho na makatazo, kwa sababu ya imani yao. Kwa hivyo, akawaamrisha kula vitu vizuri katika riziki, na kumshukuru Mwenyezi Mungu kwa neema zake, kwa kuzitumia katika kumtii; na kupata nguvu kwavyo kwa yale yanayofikisha kwake. Hivyo, akawaamrisha yale aliyowaamrisha Mitume katika kauli yake. “Enyi Mitume, kuleni katika vizuri na tendeni mema.” Basi kushukuru katika Aya hii ni matendo mema. Na hapa hakusema “halali” kwa sababu, Mwenyezi Mungu alimruhusu Muumini kula vitu vizuri kutoka katika riziki ilimradi visiwe na matokeo yoyote mabaya. Na kwa sababu imani yake inamzuia kula kisichokuwa chake. Na kauli yake “ikiwa kweli mnamuabudu Yeye tu,” yani mshukuruni. Kwa hivyo, inaashiria kwamba yule asiyemshukuru Mwenyezi Mungu, basi hajamuabudu Yeye peke yake. Kama vile mwenye kumshukuru atakuwa amemuabudu, na amefanya yale aliyoamrishwa. Na pia inaashiria kwamba kula vilivyo vizuri ni sababu ya kutenda mema na kukubaliwa kwake. Na amri ya kushukuru baada ya kuneemeshwa ni kwa sababu shukrani huhifadhi neema zilizopo, na huleta neema zisizokuwepo. Kama vile kufuru hufukuza neema zisizokuwepo na huondoa neema zilizopo.