Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَإِنْ ءَامَنُوا۟ بِمِثْلِ مَآ ءَامَنتُم بِهِۦ فَقَدِ ٱهْتَدَوا۟ ۖ وَّإِن تَوَلَّوْا۟ فَإِنَّمَا هُمْ فِى شِقَاقٍ ۖ فَسَيَكْفِيكَهُمُ ٱللَّهُ ۚ وَهُوَ ٱلسَّمِيعُ ٱلْعَلِيمُ 137
(137) Yani ikiwa Watu wa Kitabu wataamini kama mnavyoamini nyinyi, enyi kundi la Waumini, katika Mitume wote na Vitabu vyote. Ambao wa kwanza kuingia miongoni mwao na anayefaa zaidi kuwa wa mwisho wao, na mbora wao ni Muhammad - rehema na amani ziwe juu yake - na Qur-ani, na wajisalimishe kwa Mwenyezi Mungu peke yake. Wala wasitofautishe yeyote kati ya Mitume "itakuwa kweli wameongoka" kwenye njia iliyonyooka inayofikisha kwenye Pepo zenye neema. Yani hawana njia yoyote ya kuongoka isipokuwa kwa imani hii. Sio kama walivyodai kwa kauli yao: Kuweni Mayahudi au Wakristo ndio mtaongoka. Basi wakadai kuwa uwongofu ni mahususi katika yale waliyoko juu yake. Na uongofu ni kujua haki na kuitendea matendo mema. Na kinyume chake ni kupotea mbali na elimu, na kupotea mbali na matendo (mema) baada ya kuyajua. Nako ndiko kupinga walikokuwa nako walipogeuka na kukengeuka. hivyo, mpinzani ni yule ambaye anakuwa upande mmoja, naye Mwenyezi Mungu na Mtume wake katika upande mwingine. Na inalazimu kutokana na upinzani, kuwepo uadui mkubwa ambao unalazimu kufanya iwezekanavyo kumuudhi Mtume. Kwa sababu ya hilo, Mwenyezi Mungu alimwahidi Mtume wake kwamba atamtosheleza kutokana nao, kwa maana, Yeye ndiye "Msikizi" wa sauti zote katika lugha mbalimbali kwa mahitaji tofauti tofauti. "Mwenye elimu (Mjuzi)" wa yaliyo mbele yao na yaliyo nyuma yao katika yaliyofichika na yale yanayoonekana, ya dhahiri na ya ndani (yaliyofichika). Na ikiwa hivyo, basi Mwenyezi Mungu atakulinda na shari yao. Na Mwenyezi Mungu alimtimizia Mtume wake ahadi yake, na akampa nguvu juu yao mpaka akawauwa baadhi yao, na akawateka baadhi yao, na akawatoa baadhi yao, na akawakimbiza kila pande zote. Basi ndani yake kuna muujiza miongoni mwa miujiza ya Qur-ani, ambao ni kupeana habari ya jambo kabla halijatokea, kisha likatokea kwa mujibu wa ilivyosema.