Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَقَالَ ٱلَّذِينَ لَا يَعْلَمُونَ لَوْلَا يُكَلِّمُنَا ٱللَّهُ أَوْ تَأْتِينَآ ءَايَةٌ ۗ كَذَٰلِكَ قَالَ ٱلَّذِينَ مِن قَبْلِهِم مِّثْلَ قَوْلِهِمْ ۘ تَشَـٰبَهَتْ قُلُوبُهُمْ ۗ قَدْ بَيَّنَّا ٱلْـَٔايَـٰتِ لِقَوْمٍ يُوقِنُونَ 118
(118) Yani: Walisema wajinga miongoni mwa Watu wa Kitabu na wengineo: Mbona Mwenyezi Mungu hasemi nasi kama alivyowasemesha Mitume "au zikatufikia Ishara." Wanamaanisha Aya za mapendekezo ambayo wanapendekeza kwa akili zao mbovu na rai zao potovu, ambazo walifanya ujasiri kwazo dhidi ya Muumba na wakawafanyia kiburi Mitume wake. Kama kauli yao, "hatutakuamini mpaka tumwone Mwenyezi Mungu waziwazi" (na) "Watu wa Kitabu wanakutaka uwateremshie kitabu kutoka mbinguni. Na kwa hakika walikwisha mtaka Musa makubwa kuliko hayo" hadi mwisho wa Aya. "Na wakasema: Ana nini Mtume huyu? Anakula chakula, na anatembea masokoni! Mbona hakuteremshiwa Malaika akawa mwonyaji pamoja naye? Au akaangushiwa khazina juu yake, au akawa na bustani ale kutoka humo?" Hadi mwisho wa Aya hizi. Na kauli yake. "Na walisema: Hatutakuamini mpaka ututimbulie chemichemi katika ardhi hii." Hadi mwisho wa Aya hizi. Basi haya ndiyo mazoea yao kwa Mitume wao, kutaka dalili za uasi, na sio dalili za uwongofu; na hayakuwa makusudio yao kubainishiwa haki. Kwani Mitume walikuja na Ishara ambazo mfano wake watu waliziamini. Na ndio maana Mwenyezi Mungu Mtukufu akasema: "Hakika sisi, tumeshazibainisha Ishara kwa watu wenye yakini." Hivyo basi, kila mwenye yakini alikwishajua kutokana na aya (ishara) za Mwenyezi Mungu zinazong'aa na dalili zilizo dhahiri, kilichomfanya kuwa na yakini; na inamwondokea kila shaka na kusitasita.