Al-Israa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَٱسْتَفْزِزْ مَنِ ٱسْتَطَعْتَ مِنْهُم بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِى ٱلْأَمْوَٰلِ وَٱلْأَوْلَـٰدِ وَعِدْهُمْ ۚ وَمَا يَعِدُهُمُ ٱلشَّيْطَـٰنُ إِلَّا غُرُورًا 64
{64} Kisha Mwenyezi Mungu akamwamuru afanye kila awezalo katika kuwapoteza, akasema, "Na wachochee uwawezao katika wao kwa sauti yako" na anaingia katika hili kila anayelingania katika maasia. "Na wakusanyie jeshi lako la wapandao farasi na waendao kwa miguu." Na inaingia katika hili kila mpandaji na mtembeaji katika kumuasi Mwenyezi Mungu. Basi yeye ni miongoni mwa jeshi lake la wapandao farasi na waendao kwa miguu. Kinachokusudiwa ni kwamba Mwenyezi Mungu aliwajaribu waja wake kwa adui huyu wa wazi anayewalingania katika kumuasi Mwenyezi Mungu kwa maneno yake na matendo yake. "Na shirikiana nao katika mali na wana." Haya yanajumuisha kila dhambi linalohusiana na mali yao na watoto wao, kama vile kukataa kutoa zaka, fidia mbalimbali, na haki za faradhi, kutowapa adabu nzuri watoto na kuwalea katika heri na kuacha maovu, kuchukua mali bila ya haki au kuitumia kwa yasiyo ya haki, au kutumia mapato mabaya. Basi wengi katika wafasiri walitaja kuwa hilo kumshirikisha Shetani katika mali na watoto, kunajumuisha kuacha kutaja jina la Mwenyezi Mungu wakati wa kula, kunywa, au kufanya tendo la ndoa, na kwamba ikiwa hatalitaja jina la Mwenyezi Mungu katika hayo, basi Shetani atashirikiana naye, kama ilivyokuja katika Hadithi. "Na waahidi" ahadi za uongo ambazo hazina uhakika wowote. Na ndiyo maana akasema, "Na Shetani hawapi ahidi isipokuwa ya udanganyifu" yenye kupotelea mbali, kama vile kuwapambia maasia na itikadi potovu, na akawaahidi malipo juu yake, kwa sababu wanadhani kwamba wako katika haki. Na Mwenyezi Mungu Mtukufu akasema, “Shetani anawatia hofu ya ufukara na anawaamrisha mambo machafu. Na Mwenyezi Mungu anawaahidi msamaha na fadhila zitokazo kwake."