Al-Israa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَا تَقْتُلُوا۟ ٱلنَّفْسَ ٱلَّتِى حَرَّمَ ٱللَّهُ إِلَّا بِٱلْحَقِّ ۗ وَمَن قُتِلَ مَظْلُومًا فَقَدْ جَعَلْنَا لِوَلِيِّهِۦ سُلْطَـٰنًا فَلَا يُسْرِف فِّى ٱلْقَتْلِ ۖ إِنَّهُۥ كَانَ مَنصُورًا 33
{33} Na hili linajumuisha kila nafsi ambayo Mwenyezi Mungu ameharamisha sawa iwe ni ndogo, kubwa, ya kiume, ya kike, huru, ya mtumwa, ya Mwislamu, na ya kafiri ambaye ana agano ya amani na Waislamu. "Isipokuwa kwa haki" kama vile kuua nafsi kwa sababu nafsi hiyo iliua pia, mzinzi aliyeoleka, mwenye kuiacha dini yake ya Uislamu na akajitenga na kundi la Waislamu, na wale wanaompiga vita kiongozi mkuu katika hali ya vita vyao ikiwa hawawezi kuzuilika isipokuwa kwa kuwaua. "Na aliyeuawa kwa kudhulumiwa." Yaani, bila haki, "basi hakika tumempa mamlaka" yaani hoja iliyo dhahiri ya kufanya kisasi kama vile kuua muuaji, "mrithi wake" naye ni yule aliye karibu zaidi na maiti miongoni mwa warithi wanaochukua mali iliyosalia au warithi wengineo. Na pia tumempa mamlaka ya kimajaaliwa juu ya hilo, wakati masharti ya adhabu ya kisasi yatakapotimizwa, kama vile mauaji ya makusudi, kukiuka mipaka, nafsi mbili hizo kutoshana. "Lakini asipitilize kiasi" mrithi huyo "katika kuua, kwani yeye anasaidiwa." Na kupitiliza kiasi ni kuvuka mipaka, ima kwa kumkatakata anayemuua huyo, au kumuua kwa kile ambacho hakumuua kwacho, au kumuua muuaji halisi. Na katika aya hii, kuna ushahidi kwamba haki ya kuua ni ya mrithi wake, kwa hivyo hairuhusiki kufanya kisasi isipokuwa kwa idhini yake .Na ikiwa atasamehe, basi adhabu ya kisasi hiyo itaanguka, na kwamba mrithi wa aliyeuawa anasaidiwa na Mwenyezi Mungu dhidi ya muuaji na wale waliomsaidia mpaka aweze kumuua naye pia.