Al-Israa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَقُلِ ٱلْحَمْدُ لِلَّهِ ٱلَّذِى لَمْ يَتَّخِذْ وَلَدًا وَلَمْ يَكُن لَّهُۥ شَرِيكٌ فِى ٱلْمُلْكِ وَلَمْ يَكُن لَّهُۥ وَلِىٌّ مِّنَ ٱلذُّلِّ ۖ وَكَبِّرْهُ تَكْبِيرًۢا 111
{111} "Na sema, "Alhamdulillah (sifa njema zote ni za Mwenyezi Mungu)" ambaye ana ukamilifu, na sifa njema, kuhimidiwa, na utukufu kwa namna zote. Naye ametakasika kutokana na kila balaa na kasoro. "Ambaye hakujifanyia mwana yeyote, wala hana mshirika yeyote katika ufalme;" bali ufalme wote ni wa Mwnyezi Mungu, Mmoja, Mshindi. Kwa maana, ulimwengu wa juu na wa chini wote unamilikiwa na Mwenyezi Mungu, na hakuna yeyote aliye na kitu chochote katika umiliki huo, "wala hana mlinzi yeyote wa kumsaidia kwa sababu ya udhaifu wake." Kwa hivyo, hamfanyi yeyote urafiki katika viumbe vyake ili ajiimarishe naye na ili amsaidie. Kwa maana, Yeye ndiye asiyemhitaji yeyote, Msifika, asiyehitaji chochote katika viumbe wake katika ardhi wala mbinguni, lakini hufanya vipenzi katika viumbe wake ili kuwafanyia wema na kuwarehemu. "Mwenyezi Mungu ni Mlinzi wa wale walioamini. Huwatoa gizani na kuwaingiza katika nuru. "Na mtukuze kwa utukufu mkubwa." Yaani, mfanye ndiye mkuu na umtukuze kwa kujulisha kuhusu sifa zake kubwa, na umsifu kwa majina yake mazuri zaidi, na kwa kumtukuza kwa matendo yake matakatifu, na kwa kumfanya mkuu na kumtukuza kwa kumwabudu Yeye peke yake bila ya mshirika yeyote, na kumfanyia yeye tu dini yote.
Imekamilika tafsiri ya Surat Al-Isra kupitia mkono wa mwandishi wake Abdur-Rahman bin Nasir bin Abdullah bin Saadi, na kuhimidiwa ni kwa Mwenyezi Mungu, na neema na sifa nzuri. Mwenyezi Mungu amsamehe yeye na wazazi wake na waislamu wote. Amin. Na rehema na amani nyingi za Mwenyezi Mungu ziwe juu ya Mtume wake Muhammad. Tarehe 7 Jumada Al-Uula, 1344 Hijria. Na niliyatoa haya kutoka katika maandishi ya mwandishi wake kwa kalamu ya maskini kwa Mola wake Mlezi, Suleiman Al-Hamad Al-Bassam, Mwenyezi Mungu amsamehe yeye, wazazi wake na Waislamu wote. Amin. Na rehema na amani za Mwenyezi Mungu ziwe juu ya Muhammad na watu wa familia yake na Maswahaba wake wote. Amin, tena amin.