Yunus
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
إِنَّمَا مَثَلُ ٱلْحَيَوٰةِ ٱلدُّنْيَا كَمَآءٍ أَنزَلْنَـٰهُ مِنَ ٱلسَّمَآءِ فَٱخْتَلَطَ بِهِۦ نَبَاتُ ٱلْأَرْضِ مِمَّا يَأْكُلُ ٱلنَّاسُ وَٱلْأَنْعَـٰمُ حَتَّىٰٓ إِذَآ أَخَذَتِ ٱلْأَرْضُ زُخْرُفَهَا وَٱزَّيَّنَتْ وَظَنَّ أَهْلُهَآ أَنَّهُمْ قَـٰدِرُونَ عَلَيْهَآ أَتَىٰهَآ أَمْرُنَا لَيْلًا أَوْ نَهَارًا فَجَعَلْنَـٰهَا حَصِيدًا كَأَن لَّمْ تَغْنَ بِٱلْأَمْسِ ۚ كَذَٰلِكَ نُفَصِّلُ ٱلْـَٔايَـٰتِ لِقَوْمٍ يَتَفَكَّرُونَ 24
{24} Na mfano huu ni katika mifano mizuri zaidi, ambao unaingiana sawa sawa na hali ya dunia hii; kwa maana, raha zake, na matamanio yake, na heshima yake, na mfano wa hayo yanampendeza mwenyewe yanapompendeza kwa muda mfupi, na yanapokamilika na yakatimia, yanafifia na kutoweka kwa mwenyewe au mwenyewe anayaacha. Kwa hivyo, akawa mikono mitupu bila ya hayo, huku amejaa moyo na wasiwasi mkubwa juu yake, na huzuni yake na majuto yake, basi hayo ni "kama maji tuliyoyateremsha kutoka mbinguni, kisha mimea ya ardhi.” Yaani, ikaota kutoka humo kila aina na jozi nzuri, "miongoni mwa vile wanayvovila watu” kama vile nafaka na matunda, "na" katika vile wanavyovila "wanyama" kama vile aina mbalimbali za nyasi na malisho ya sampuli tofauti tofauti. "Mpaka ardhi ilipokamilika uzuri wake, na ikapambika;” yaani, ikapambwa katika mwonekano wake na ikavalika kwa mapambo yake, kwa hivyo ikawa nzuri kwa watazamaji, na matembezi ya burudani kwa wafurahiao, na ishara kwa wenye kuona, kisha ukaanza kuiona katika mtazamo wa ajabu kama vile kijani, njano, nyeupe na mingineyo. “Na wenyewe wakadhani kwamba wameshaiweza;” yaani, wakawa na matumaini kwamba hayo yataendelea na kudumu, kwa sababu matashi yao yalisimamia hapo, na yale wanayoyatafuta yakaishia humo. Na walipokuwa katika hali hiyo, amri ya Mwenyezi Mungu ikaijia “usiku au mchana, kwa hivyo tukaifanya kama iliyofyekwa, kama kwamba haikuwapo jana;” basi hii ndiyo hali ya dunia hii mia kwa mia. "Hivyo ndivyo tunavyozipambanua Ishara zetu;” yaani, tunazibainisha na kuziweka wazi kwa kuleta maana karibu na akili na kuzipigia mifano, "kwa kaumu wanaotafakari.” Yaani, wanatumia fikira zao katika yale yenye kuwanufaisha. Na ama aliyeghafilika, aliyepeana mgongo, basi huyu hazimnufaishi ishara, na kubainisha hakumuondolei shaka yake.