At-Tawba
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
لَقَدْ نَصَرَكُمُ ٱللَّهُ فِى مَوَاطِنَ كَثِيرَةٍ ۙ وَيَوْمَ حُنَيْنٍ ۙ إِذْ أَعْجَبَتْكُمْ كَثْرَتُكُمْ فَلَمْ تُغْنِ عَنكُمْ شَيْـًٔا وَضَاقَتْ عَلَيْكُمُ ٱلْأَرْضُ بِمَا رَحُبَتْ ثُمَّ وَلَّيْتُم مُّدْبِرِينَ 25
Yeye Mtukufu anawakumbusha waja wake Waumini juu ya nusura yake kwao katika maeneo mengi katika maeneo ya kukutana na maeneo ya vita, na mapambano, hata katika siku ya Hunain ambayo shida iliwawia kubwa mno, na wakaona kutosaidiana, na kukimbia jambo lililofanya ardhi kuwa finyu kwao pamoja na ukunjufu wake na upana wake. Na hilo ni kwamba Nabii rehema na amani za Mwenyezi Mungu zimshukie alipoiteka Makka, akasikia kwamba Hawazin wamekusanyika ili kupigana naye vita, kwa hivyo akawaendea yeye rehema na amani za Mwenyezi Mungu ziwe juu yake katika masahaba zake ambao waliiteka Makka na wale waliosilimu miongoni mwa wale walioachiliwa huru katika watu wa Makka. Na walikuwa elfu kumi na mbili, nao washirikina walikuwa elfu nne. Kwa hivyo, baadhi ya Waislamu wakajivuna kwa sababu ya wingi wao, na baadhi yao wakasema: Hatutashindwa leo kwa sababu ya uchache. Kwa hivyo walipokutana wao na Hawazin, wakawashambulia Waislamu mshambulio mmoja, basi wakashindwa, hakuna yeyote aliyekuwa anageuka kumtazama mwenzake, na hakubaki pamoja na Mtume wa Mwenyezi Mungu - rehema na amani za Mwenyezi Mungu ziwe juu yake - isipokuwa karibia wanaume mia moja ndio waliobaki imara pamoja naye. Na wakawa wanapigana na washirikina, naye Nabii - rehema na amani za Mwenyezi Mungu ziwe juu yake - akawa anamkimbiza nyumbu wake kuelekea upande wa washirikina huku akisema: "Mimi ndiye Nabii, si uongo. Mimi ndiye mwana wa Abdul-Muttalib." Na alipoona kutoka kwa Waislamu kile alichokiona, akamwamuru Al-Abbas bin Abdul-Muttalib kwamba aite katika Ansari na Waislamu wengineo, naye alikuwa wa sauti kubwa sana, kwa hivyo akawaita, "Enyi wenza wa Samura! Enyi watu wa Surat Al-Baqarah!" Kwa hivyo, walipoisikia sauti yake, wakajumuika kujumuika kwa mwanamume mmoja, kisha wakapigana na washirikina, na Mwenyezi Mungu akawashinda washirikina ushindi mbaya sana, na wakaiteka kambi yao, na wanawake wao, na mali zao.
{25} Na hiyo ndiyo kauli yake Yeye Mtukufu, "Hakika Mwenyezi Mungu aliwanusuru katika maeneo mengi, na siku ya Hunayni." Nalo ni jina la mahali ambapo palikuwapo vita, kati ya Makka na Taif, "wakati wingi wenu uliwapa majivuno, lakini haukuwafaa kitu" kushindwa. Yaani, haukuwafaidi kitu kichache wala kingi, "na ardhi ikawa finyu kwenu" kwa sababu ya kile kilichowapata cha wasiwasi kubwa na huzuni mliposhindwa "pamoja na upana wake." Yaani, upana wake na ukunjufu wake "kisha mkageuka mkapeana migongo;" yaani, huku mmeshindwa.