Al-Anfaal
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
مَا كَانَ لِنَبِىٍّ أَن يَكُونَ لَهُۥٓ أَسْرَىٰ حَتَّىٰ يُثْخِنَ فِى ٱلْأَرْضِ ۚ تُرِيدُونَ عَرَضَ ٱلدُّنْيَا وَٱللَّهُ يُرِيدُ ٱلْـَٔاخِرَةَ ۗ وَٱللَّهُ عَزِيزٌ حَكِيمٌ 67
{67} Huku ni kulaumu kutoka kwa Mwenyezi Mungu kwa Mtume wake na Waumini siku ya Badr walipowakamata washirikina kama mateka na kuwabakisha kwa ajili ya ukombozi, na yalikuwa maoni ya amiri wa Waumini, Umar Ibn Al-Khattab katika hali hii ni kuwaua na kuwaangamiza. Kwa hivyo, Yeye Mtukufu akasema: "Haikuwa kwa Nabii yeyote kwamba awe na mateka, mpaka awe ameshinda sawasawa katika ardhi." Yaani, haifai wala haiendani naye anapopigana na makafiri ambao wanataka kuizima nuru ya Mwenyezi Mungu, na wanawania kuizima Dini Yake, na kwamba asibaki kwenye uso wa ardhi anayemwabudu Mwenyezi Mungu akimbilie kuwateka na kuwabakisha kwa ajili ya ukombozi ambao utapatikana kutoka kwao, nao ni kitu kidogo kwa kulinganisha na masilahi yanayohitaji kuwaangamiza na kubatilisha uovu wao. Kwa hivyo, mradi bado wana uovu na nguvu, basi la sahihi zaidi ni kwamba wasikamatwe mateka. Kwa hivyo, wakishakamatwa barabara na uovu wao ukabatilika, na amri yao ikapungua, basi hapo hakuna ubaya kuwachukua mateka miongoni mwao na kuwabakisha. Yeye Mtukufu anasema: "Mnataka" kwa kuchukua kwenu ukombozi na kuwabakishia "vitu vya maisha ya kidunia." Yaani, si kwa masilahi yenye kuirudia dini yenu. "Na Mwenyezi Mungu anataka Akhera," kwa kuitia nguvu Dini Yake na kuwanusuru marafiki wake, na kulifanya neno lao kuwa juu zaidi kuliko wengineo, basi anawaamrisha yenye kufikisha katika hilo. "Na Mwenyezi Mungu ni Mwenye nguvu, Mwenye hekima kubwa." Yaani, Mwenye nguvu kamili, kama angetaka kuwashinda makafiri bila kupigana vita vyovyote, angefanya. Lakini yeye ni Mwenye hekima kubwa, anawajaribu nyinyi kwa nyinyi wenyewe.