Al-An'aam
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
ثُمَّ رُدُّوٓا۟ إِلَى ٱللَّهِ مَوْلَىٰهُمُ ٱلْحَقِّ ۚ أَلَا لَهُ ٱلْحُكْمُ وَهُوَ أَسْرَعُ ٱلْحَـٰسِبِينَ 62
{62} "Kisha," baada ya kufa, na uhai wa Barzakh (kaburini) na yaliyomo ya kheri na shari, "watarudishwa kwa Mwenyezi Mungu, Mola wao wa Haki ." Yaani, ambaye aliwasimamia kwa hukumu yake ya kimajaliwa, na akawatekelezea aina zote za uendeshaji Aliotaka. Kisha akawasimamia kwa maamrisho yake na makatazo yake, na akawatumia Mitume na akawateremshia Vitabu; kisha wakarudishwa Kwake ili awasimamie katika kuwahukumu kwa malipo. Na Awalipe juu ya yale waliyoyafanya miongoni mwa mema na awaadhibu kwa maovu na mabaya. Na ndiyo maana Akasema, "Hakika, hukumu ni yake," peke yake bila ya mshirika; "Naye ni Mwepesi kuliko wote wanaohesabu." Kwa sababu ya ukamilifu wa elimu yake na kuhifadhi kwake matendo yao, kulingana na Aliyoyaandika katika Ubao Uliohifadhiwa; kisha Malaika Wake wakayaandika katika Kitabu ambacho kiko katika mikono yao. basi ikiwa Mwenyezi Mungu ndiye wa peke Yake katika kuumba na kuenda kwa mambo, na Yeye ndiye Mwenye nguvu ya ushindi juu ya waja Wake, na Amewachunga sana katika hali zao zote. Na Yeye ndiye Mwenye hukumu ya kimajaliwa, na hukumu ya kisheria, na hukumu ya kimalipo. Basi ni vipi washirikina wanaweza kumwacha yule ambaye hizi ndizo sifa zake na maelezo yake na wakamuabudu yule asiyekuwa na chochote katika mambo haya, wala hana uzito wa chembe ya manufaa, wala hana uwezo na utashi. Basi ninaapa kwa Mwenyezi Mungu; lau wangejua upole wa Mwenyezi Mungu juu yao, na usamehevu wake na rehema yake kwao; ilhali wao wanapigana naye kwa ushirikina na ukafiri, na wanafanya ujasiri katika kuukana ukuu wake kwa uwongo na uzushi, na hali Yeye anawapa salama, na anawaruzuku. Basi misukumo yao ingevutika katika kumjua Yeye, na akili zao zingestaajabishwa na kumpenda yeye, na wangejichukia wenyewe kwa chuki kubwa zaidi kwa kuwa waliufuata msukumo wa Shetani; ambao unaleta hizaya na hasara; lakini wao ni kaumu wasiotumia akili.