Al-An'aam
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَمِنْهُم مَّن يَسْتَمِعُ إِلَيْكَ ۖ وَجَعَلْنَا عَلَىٰ قُلُوبِهِمْ أَكِنَّةً أَن يَفْقَهُوهُ وَفِىٓ ءَاذَانِهِمْ وَقْرًا ۚ وَإِن يَرَوْا۟ كُلَّ ءَايَةٍ لَّا يُؤْمِنُوا۟ بِهَا ۚ حَتَّىٰٓ إِذَا جَآءُوكَ يُجَـٰدِلُونَكَ يَقُولُ ٱلَّذِينَ كَفَرُوٓا۟ إِنْ هَـٰذَآ إِلَّآ أَسَـٰطِيرُ ٱلْأَوَّلِينَ 25
{25} Yaani, miongoni mwa washirikina hawa wamo kaumu ambao nyakati fulani wanafanywa na mambo fulani kusikiliza [unayoyasema], lakini huko ni kusikiliza bila kukusudia haki na kuifuata. Na ndiyo maana hawanufaiki na kusikiliza huko kwa sababu ya kutotaka kwao heri. "Na tumezitia pazia kwenye nyoyo." Yaani, vya kuifunika na vigubiko ili wasielewe maneno ya Mwenyezi Mungu, hivyo basi akayalinda maneno Yake dhidi ya mfano wa hawa. "Na masikioni mwao" tukatia "uziwi." Basi hawasikii cha kuwanufaisha "na wakiona kila Ishara, hawaiamini." Na huu ndio udhalimu wa mwisho na ukaidi, kwamba Aya zilizo wazi zenye kuonyesha kwenye haki hawazifuati wala hawazisadiki, bali wao wanaijadili haki kwa batili ili waikanushe. Na kwa sababu ya hayo akasema, "Mpaka wakikujia kwa kujadiliana nawe, wanasema wale waliokufuru: Hizi si chochote isipokuwa hadithi za watu wa kale. Yaani, yamechukuliwa kutoka katika maandishi ya watu wa kale ambayo hayatokani na Mwenyezi Mungu wala Mitume wake. Na huu ni katika kufuru yao, vinginevyo, basi vipi kitabu hiki chenye habari za waliokuja kabla na baada yao, na mambo ya uhakika ambayo walikuja nayo Manabii na Mitume, na haki, na uadilifu kamili katika kila namna yanaweza kuwa ngano za watu wa kale?