Al-An'aam
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَإِذَا جَآءَتْهُمْ ءَايَةٌ قَالُوا۟ لَن نُّؤْمِنَ حَتَّىٰ نُؤْتَىٰ مِثْلَ مَآ أُوتِىَ رُسُلُ ٱللَّهِ ۘ ٱللَّهُ أَعْلَمُ حَيْثُ يَجْعَلُ رِسَالَتَهُۥ ۗ سَيُصِيبُ ٱلَّذِينَ أَجْرَمُوا۟ صَغَارٌ عِندَ ٱللَّهِ وَعَذَابٌ شَدِيدٌۢ بِمَا كَانُوا۟ يَمْكُرُونَ 124
{124} Lakini wahalifu wakubwa walibakia katika batili yao, na wakaikanusha haki ambayo walikuja nayo Mitume kwa ajili ya husuda yao na uadui. Kwa hivyo wakasema: "Hatutaamini mpaka tupewe mfano wa yale waliyopewa Mitume wa Mwenyezi Mungu" miongoni mwa unabii na utume. Na katika hayo kuna upinzani wao dhidi ya Mwenyezi Mungu, na kujiona, na kuifanyia kiburi haki ambayo aliiteremsha juu ya mikono ya mitume wake, na kujizuia fadhila ya Mwenyezi Mungu na ukarimu wake. Kwa hivyo Mwenyezi Mungu akawajibu pingamizi lao potovu, na akajulisha kuwa hawaifailii heri, wala hawana ndani yao chenye kufanya wawe miongoni mwa waja wema wa Mwenyezi Mungu, achilia mbali kwamba wawe miongoni mwa Manabii na Mitume. Ndiyo akasema: "Mwenyezi Mungu ndiye anayejua zaidi ni wapi anauweka ujumbe wake." Kwa hivyo Yeyote yule anayemjua kuwa anafaa kwa hilo, na atatekeleza majukumu yake, huku akiwa anasifika na kila tabia nzuri, anayejiweka mbali na kila tabia mbaya, basi Mwenyezi Mungu atampa kile ambacho hekima yake inakihitaji katika asili na matokeo yake. Na asiyekuwa hivyo, hataweka tunu zake bora zaidi kwa yule ambaye hazistahili na si mtakatifu kwake. Na katika Aya hii kuna ushahidi wa ukamilifu wa hekima ya Mwenyezi Mungu Mtukufu. Kwa sababu, hata ikiwa Yeye Mtukufu ni Mwenye kurehemu, na Mwenye kupeana kwa wingi, mwingi wa ihsani, basi yeye hakika ni mwenye hekima kubwa, na haweki ukarimu wake isipokuwa kwa anayeustahili. Kisha akaahidi wahalifu adhabu, akisema: “Itawafikia wale waliofanya uhalifu udhalili kwa Mwenyezi Mungu.” Yaani, kudunishwa na udhalilifu. Kama vile walivyoifanyia haki kiburi, basi Mwenyezi Mungu aliwadhalilisha "na adhabu kali kwa sababu ya vitimbi walivyokuwa wakivifanya." Yaani, kwa sababu vitimbi vyao, si kwa sababu ya Yeye Mtukufu kuwadhulumu.