Al-Hadid
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
لَقَدْ أَرْسَلْنَا رُسُلَنَا بِٱلْبَيِّنَـٰتِ وَأَنزَلْنَا مَعَهُمُ ٱلْكِتَـٰبَ وَٱلْمِيزَانَ لِيَقُومَ ٱلنَّاسُ بِٱلْقِسْطِ ۖ وَأَنزَلْنَا ٱلْحَدِيدَ فِيهِ بَأْسٌ شَدِيدٌ وَمَنَـٰفِعُ لِلنَّاسِ وَلِيَعْلَمَ ٱللَّهُ مَن يَنصُرُهُۥ وَرُسُلَهُۥ بِٱلْغَيْبِ ۚ إِنَّ ٱللَّهَ قَوِىٌّ عَزِيزٌ 25
{25} Anasema Mwenyezi Mungu: "Kwa hakika tuliwatuma Mitume wetu na ishara waziwazi," ambazo ni ushahidi, hoja na ishara zinazoashiria ukweli wa yale waliyokuja nayo na kwamba ni ya haki. "Na tukateremsha Kitabu pamoja nao." Hili linajumuisha vitabu vyote alivyoviteremsha Mwenyezi Mungu kwa ajili ya kuwaongoza viumbe na kuwaelekeza katika yale yatakayowafaa katika dini yao na dunia yao. "Na mizani" ambayo ni uadilifu katika kauli na vitendo. Na Dini waliyoileta Mitume yote ni uadilifu na usawa katika maamrisho na makatazo, na katika kuamiliana na viumbe, na katika hukumu za jinai, kulipiza kisasi, adhabu maalumu, mirathi na mambo mengineyo, na hayo ni "ili watu wasimamie uadilifu" ili kuisimamisha Dini ya Mwenyezi Mungu, na kufikia masilahi yao, ambayo hayawezi kuyadhibiti wala kuyahesabu. Hili linaashiria kwamba Mitume walikubaliana katika kanuni za asasi za kisheria, ambazo ni kufanya uadilifu, hata kama aina za uadilifu huo zitatofautiana kulingana na nyakati na hali mbalimbali "na tumeteremsha chuma chenye nguvu nyingi." Iwe ala ya vita, kama vile silaha, deraya na vitu vinginevyo. "Na manufaa kwa watu" ambayo ni kile kinachoonekana kutokana na manufaa yake katika aina mbalimbali za viwanda, ufundi, vyombo, na mashine za kulima, kiasi kwamba ni mara chache hakuna kitu ambacho hakihitaji chuma. "Na ili Mwenyezi Mungu amjue anayemnusuru Yeye na Mitume wake kwa ghaibu." Yaani, ili Mwenyezi Mungu Mtukufu aweke mtihani kwa yale aliyoyateremsha katika Kitabu na chuma, ili ibainike ni nani atamnusuru yeye na Mitume wake katika hali ya ghaibu, ambayo imani ina manufaa ndani yake hata kabla ya kuona kwa macho, ambayo yakishapatikana, hapo imani haisaidii kitu. Kwani wakati huo kuamini kunakuwa ni kitu cha lazima. "Hakika Mwenyezi Mungu ni Mwenye nguvu, Mwenye kushinda." Yaani, hakuna kinachoweza kumshinda, wala mwenye kukimbia hawezi kumponyoka. Na kutokana na nguvu zake na utukufu wake ni kwamba aliteremsha chuma ambacho hutengeneza kutoka humo vyombo vyenye nguvu. Na kutokana na nguvu zake na utukufu wake ni kwamba ana uwezo wa kuwashinda adui zake. Lakini huwajaribu vipenzi wake kwa maadui wake; ili ajue ni nani atamsaidia kwa ghaibu. Hapa, Mwenyezi Mungu ameiunganisha kati ya Kitabu na chuma. Kwa sababu kwa mambo haya mawili, Mwenyezi Mungu huinusuru Dini yake na kuliinua juu na kulitukuza neno lake kwa Kitabu kuna hoja na ushahidi, na kwa upanga kuna ushindi, Mwenyeezi Mungu akipenda. Na vyote viwili ni vinasimamisha uadilifu na usawa, ambavyo vinatumika kama ushahidi wa hekima ya Muumba na ukamilifu wake na ukamilifu wa sheria yake aliyoiweka juu ya ndimi za Mitume wake.