Al-Maaida
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
يَـٰٓأَيُّهَا ٱلَّذِينَ ءَامَنُوا۟ ٱذْكُرُوا۟ نِعْمَتَ ٱللَّهِ عَلَيْكُمْ إِذْ هَمَّ قَوْمٌ أَن يَبْسُطُوٓا۟ إِلَيْكُمْ أَيْدِيَهُمْ فَكَفَّ أَيْدِيَهُمْ عَنكُمْ ۖ وَٱتَّقُوا۟ ٱللَّهَ ۚ وَعَلَى ٱللَّهِ فَلْيَتَوَكَّلِ ٱلْمُؤْمِنُونَ 11
{11} Yeye Mtukufu anawakumbusha waja Wake Waumini juu ya neema zake kubwa, na anawahimiza juu ya kuzikumbuka kwa moyo na ulimi. Na kwamba kama vile wanavyoona kuwa kuwaua kwao maadui zao, na kuchukua mali zao na nchi zao, na kuwateka kwamba ni neema, basi na waone pia neema yake juu yao ya kuizuia mikono ya maadui wao dhidi yao; na kurudisha vitimbi vyao katika shingo zao kwamba ni neema. Kwani wao ni maadui ambao wametaka jambo fulani, na wakadhani kwamba wana uwezo juu yake. Kwa hivyo ikiwa hawatafikia malengo yao kwa Waumini, basi hiyo ni nusura kutoka kwa Mwenyezi Mungu kwa waja wake Waumini. Inawapasa wamshukuru Mwenyezi Mungu kwa hayo, na wamwabudu, na wamkumbuke. Na Haya yanajumuisha kila mwenye kutaka kuwadhuru Waumini, kama vile kafiri, na mnafiki, na mwenye kupindukia mipaka, Mwenyezi Mungu aliwazuia Waislamu shari yao; basi yeye anaingia katika aya hii. Kisha akawaamrisha yale wanayoweza kutafuta msaada kwa yale ambayo wanaweza kujisaidia kwayo katika kuwashinda adui zao na katika mambo yao yote,. Akasema, "Na kwa Mwenyezi Mungu, basi na wategemee Waumini." Yaani, wamtegemee Yeye katika kuleta masilahi yao ya kidini na ya kidunia, na wajitenge na hila zao wala nguvu zao, na wawe na imani na Mwenyezi Mungu Mtukufu katika kufikia yale wanayoyapenda. Na kulingana na imani ya mja kunakuwa kutegemea kwake, na hilo ni katika majukumu ya moyo yaliyokubaliwa juu yake.