Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
ٱلَّذِينَ يَأْكُلُونَ ٱلرِّبَوٰا۟ لَا يَقُومُونَ إِلَّا كَمَا يَقُومُ ٱلَّذِى يَتَخَبَّطُهُ ٱلشَّيْطَـٰنُ مِنَ ٱلْمَسِّ ۚ ذَٰلِكَ بِأَنَّهُمْ قَالُوٓا۟ إِنَّمَا ٱلْبَيْعُ مِثْلُ ٱلرِّبَوٰا۟ ۗ وَأَحَلَّ ٱللَّهُ ٱلْبَيْعَ وَحَرَّمَ ٱلرِّبَوٰا۟ ۚ فَمَن جَآءَهُۥ مَوْعِظَةٌ مِّن رَّبِّهِۦ فَٱنتَهَىٰ فَلَهُۥ مَا سَلَفَ وَأَمْرُهُۥٓ إِلَى ٱللَّهِ ۖ وَمَنْ عَادَ فَأُو۟لَـٰٓئِكَ أَصْحَـٰبُ ٱلنَّارِ ۖ هُمْ فِيهَا خَـٰلِدُونَ 275
{275} Mwenyezi Mungu alipoitaja hali ya watoao, na heri walizo nazo kutoka kwa Mwenyezi Mungu, na namna anavyowafutia katika dhambi na makosa. Akawataja madhalimu, watu wa riba na biashara mbaya, na akajulisha kuwa watalipwa kulingana na matendo yao. Basi kama walivyokuwa katika dunia wakitafuta mapato mabaya kama wendawazimu, wakaadhibiwa katika makaburi na siku ya Kiyama. Kwamba hawatasimama kutoka makaburini mwao mpaka siku ya kufufuliwa kwao na kutawanyika kwao. "Isipokuwa kama anavyosimama aliyezugwa na Shetani kwa kumgusa," yani kutokana na uwendawazimu na kifafa. Na hiyo ni adhabu, na hizaya, na fedheha kwao, na kuwalipa juu ya riba yao na kudhihirisha kwao kwa kauli yao. "Hakika, biashara ni kama riba tu." Basi wakajumuisha - pamoja na ujasiri wao - baina ya aliyoyahalalisha Mwenyezi Mungu na aliyoyaharamisha Mwenyezi Mungu, na wakaruhusu riba kwa hilo. Kisha Mola Mtukufu akawawekea toba wale wanaoamiliana na riba na wengineo, akasema: "Basi mwenye kujiwa na mawaidha kutoka kwa Mola wake Mlezi," na huku ni kubainisha kulikoambatana na ahadi na tishio. "Kisha akakomeka" na yale aliyokuwa akichukua katika riba, "basi yake ni yaliyokwisha pita" katika yale aliyoyafanyia ujasiri. Kisha akatubia akayaacha "na mambo yake yako kwa Mwenyezi Mungu" katika siku zake zijazo. Ikiwa ataendelea na toba yake hiyo, basi Mwenyezi Mungu hapotezi ujira wa wafanyao mema. "Na wenye kurudia" baada ya kubainisha kwa Mwenyezi Mungu, na kumkumbusha kwake, na kumuonya kwake mwenye kula riba; "basi hao ndio wenza wa Moto, wao watadumu humo." Katika hili kuna kwamba riba inalazimu (mtu) kuingia Motoni na kudumu humo. Na hilo ni kwa sababu ya ubaya wake maadamu hajazuiwa kudumu humo na kuzuizi cha imani. Na hii ni miongoni mwa hukumu zinazotegemea kuwepo kwa masharti yake na kutokuwepo kwa vizuizi vyake. Na hakuna hoja ndani yake ya Khawarij kama maandiko mengineyo ya vitishio. Kwa hivyo, la lazima ni kusadiki maandiko yote ya Kitabu na Sunna. Kwa hivyo, mja anaamini yale yaliyokuja katika maandishi yasiyo na shaka, kuhusu kutoka kwa Motoni kwa yule ambaye; ndani ya moyo wake kuna uzito mdogo zaidi wa chembe ya haradali wa imani. Na kuhusu kustahiki mwenye kuyafanya madhambi yaangamizayo haya yanayomlazimu kuingia Motoni ikiwa hatatubu kutokana nayo.