Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَلِلْمُطَلَّقَـٰتِ مَتَـٰعٌۢ بِٱلْمَعْرُوفِ ۖ حَقًّا عَلَى ٱلْمُتَّقِينَ 241 كَذَٰلِكَ يُبَيِّنُ ٱللَّهُ لَكُمْ ءَايَـٰتِهِۦ لَعَلَّكُمْ تَعْقِلُونَ 242
{241 - 242} Alipoeleza katika Aya iliyotangulia kuwaliwaza wanawake walioachwa kwa sababu ya mauti; akataja hapa kwamba, kila mwanamke aliyetalikiwa ana haki kwa mumewe kumpa cha kumliwaza. Na kumpa kinacholingana na hali yake na hali ya mkewe, na kwamba ni haki waifanyayo wachamungu peke yake. Kwa hivyo, ni miongoni mwa sifa za uchamungu za lazima au za kupendekezwa. Basi ikiwa mwanamke huyo hakubainishiwa mahari maalumu, na akamtaliki kabla ya kuingiliana naye, basi imeshatangulia kuwa inamlazimu mahari kulingana na uwezo wepesi wake na uzito wake. Na kama ameshabainishiwa, basi maliwazo yake yatakuwa nusu ya hicho kilichotajwa. Na akiwa aliingiliwa, basi inapendekezwa kumliwaza kulingana na kauli ya wanachuoni. Na miongoni mwa wanachuoni, kuna wale walioliwajibisha hilo kwa tumia ushahidi wa kauli yake; "ni haki juu ya wachamungu." Na hali ya asili ya haki ni kuwa ni wajibu, hasa na imeifungamanishwa na wachamungu. Na hali ya asili ya uchamungu ni uwajibu. Na Mola Mtukufu alipozibainisha hukumu hizi tukufu kati ya wanandoa wawili, akazisifu hukumu zake. Na kuzibainisha kwake, na kuziweka kwake waziwazi, na kukubaliana kwake na akili zilizo timamu. Na kwamba makusudio ya kuzibainisha kwa waja wake ni kwamba waelewe kutoka kwake yale aliyoyaeleza. Kwa hivyo, wanazielewa kwa kuzihifadhi, na kuzifahamu, na kuzitendea kazi. Kwani, hayo ndiyo katika ukamilifu wa kuzielewa.