Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
زُيِّنَ لِلَّذِينَ كَفَرُوا۟ ٱلْحَيَوٰةُ ٱلدُّنْيَا وَيَسْخَرُونَ مِنَ ٱلَّذِينَ ءَامَنُوا۟ ۘ وَٱلَّذِينَ ٱتَّقَوْا۟ فَوْقَهُمْ يَوْمَ ٱلْقِيَـٰمَةِ ۗ وَٱللَّهُ يَرْزُقُ مَن يَشَآءُ بِغَيْرِ حِسَابٍ 212
Mola Mtukufu anajulisha kwamba wale wanaomkufuru Mwenyezi Mungu, na ishara zake na Mitume wake. Na wala hawakuifuata sheria yake, kwamba wamepambiwa maisha ya duniani. Imepambwa kwao katika macho yao na nyoyo zao, na wakayaridhia, na wakatulia nayo, na matamanio yao, mapenzi yao, na matendo yao vikawa vyote kwa ajili yake. Kwa hivyo, wakavielekea, na wakazama katika kuutafuta, na wakautukuza, na wakamtukuza mwenye kushirikiana nao katika hicho kitendo chao. Na wakawadharau Waumini na wakawafanyia masihara, na wakasema: Je, hawa ndio Mwenyezi Mungu aliwafadhilisha miongoni mwetu? Na hili ni kwa sababu ya udhaifu wa akili zao, na uoni wao mfupi. Kwani dunia ni nyumba ya majaribio na mitihani, na zitawapata humo taabu watu wa imani na wa ukafiri. Lakini Muumini hapa duniani hata kama atapatwa na jambo la kuchukiza, yeye atavumilia na kutarajia malipo kwa Mwenyezi Mungu. Kwa hivyo, Mwenyezi Mungu anampunguzia kwa imani yake na subira yake jambo ambalo haliwi kwa asiyekuwa yeye. Bali jambo zima na mapendeleo ya kweli ni katika nyumba yenye kudumu. Ndio maana Yeye Mtukufu akasema “Na wale wanaomcha Mwenyezi Mungu watakuwa juu yao Siku ya Kiyama.” Basi wachamungu watakuwa katika daraja za juu, wakifurahia kila aina ya neema na furaha, shangwe na nderemo. Na makafiri watakuwa chini yao katika daraja za chini kabisa, wakiadhibiwa kwa kila aina ya adhabu, na kudunishwa, na taabu ya milele isiyo na mwisho. Hivyo basi, katika Aya hii kuna kuwafariji Waumini, na maombolezo kwa makafiri. Na kwa kuwa riziki ya kidunia na ya kiakhera haziwezi kupatikana isipokuwa kwa makadirio ya Mwenyezi Mungu, na hazipatikani isipokuwa kwa mapenzi ya Mwenyezi Mungu, yeye Mtukufu akesema: “Na Mwenyezi Mungu humruzuku amtakaye bila ya hisabu.” Kwa hivyo, riziki ya kidunia humjia Muumini na Kafiri. Na ama riziki ya nyoyo kama vile elimu, imani, kumpenda Mwenyezi Mungu, kumnyenyekea, kumtumaini na mfano wa hayo, yeye hampi hayo isipokuwa yule ampendaye.