Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
كَمَآ أَرْسَلْنَا فِيكُمْ رَسُولًا مِّنكُمْ يَتْلُوا۟ عَلَيْكُمْ ءَايَـٰتِنَا وَيُزَكِّيكُمْ وَيُعَلِّمُكُمُ ٱلْكِتَـٰبَ وَٱلْحِكْمَةَ وَيُعَلِّمُكُم مَّا لَمْ تَكُونُوا۟ تَعْلَمُونَ 151
(151) Anasema Mwenyezi Mungu Mtukufu: Hakika neema yetu juu yenu kwa kuwaelekeza Al-Ka'aba na kuikamilisha kwa sheria na neema zinazokamilisha. Hilo siyo uvumbuzi mpya wa hisani yetu, wala la kwanza lake. Bali tumewaneemesha kwa misingi ya neema na yenye kuikamilisha, na ya juu yake zaidi ni kwamba, sisi tumekutumia huyu Mtume mtukufu kutoka miongoni mwenu. Mnaijua nasaba yake, ukweli wake, uaminifu wake, na ukamilifu wa nasaha yake, “anakusomeeni Aya zetu.” Na hili linajumuisha Aya za Qur-ani na mengineyo. Kwani, yeye anakusomeeni Aya zinazobainisha haki kutokana na batili, na uongofu kutokana na upotofu ambao zilikuonyesheni hapo mwanzo upweke wa Mwenyezi Mungu na ukamilifu wake. Kisha kwenye ukweli wa Mtume wake na ulazima wa kumuamini. Kisha kwenye yote aliyoyaeleza ya kufufuliwa na ghaibu, mpaka mkapata uwongofu kamili, na elimu ya yakini, “zetu na kuwatakasa.” Yani azitakase tabia zenu na nafsi zenu kwa kuzilea juu ya tabia nzuri, na kuzitakasa kutokana na maadili machafu. Na hilo ni kama kuwatakasa kutoka katika shirki hadi kwa Tauhid, na kutoka katika kujionyesha (riyaa) hadi katika ikhlas (kumwelekea Mwenyezi Mungu peke yake). Na pia kutoka kwa uongo hadi kwa ukweli, na kutoka katika khiyana hadi katika uaminifu. Na kutoka katika kiburi hadi katika unyenyekevu, na kutoka katika tabia mbaya hadi katika tabia njema, na kutoka katika chuki na kuhamana na kukatana hadi katika mapenzi, kuwasiliana, kupendana na yasiyokuwa hayo miongoni mwa aina utakaso. “Na kuwafundisha Kitabu,” yani Qur-ani, maneno yake na maana zake, “na hekima” ilisemwa kuwa ni Sunna. Na ikasemwa kuwa hekima ni kujua siri za Sheria na ufahamu wake, na kuteremsha mambo katika viwango vyake. Kwa hivyo kwa mujibu wa haya, inakuwa kufundishwa Sunna kumejumuishwa katika kufundishwa Kitabu. Kwa sababu Sunna inabainisha, inafasiri na inaieleza Qur-ani, “na kukufundisheni mliyokuwa hamyajui.” Kwa sababu kabla ya utume wake walikuwa katika upotofu ulio wazi, bila ya elimu wala vitendo. Basi kila elimu au kitendo walichopata umma huu kilikuwa kwa mikono yake - rehema na amani za Mwenyezi Mungu ziwe juu yake - na kwa sababu yake ilikuwa hivyo. Kwa hivyo, neema hizi ndizo misingi ya neema zote. Nazo ndizo neema kubwa zaidi anazowapa waja wake. Basi kazi yao ni kumshukuru Mwenyezi Mungu juu yake, na kuzitekeleza. Ndio maana, Mwenyezi Mungu Mtukufu akasema: