Ar-Ra'd
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَهُوَ ٱلَّذِى مَدَّ ٱلْأَرْضَ وَجَعَلَ فِيهَا رَوَٰسِىَ وَأَنْهَـٰرًا ۖ وَمِن كُلِّ ٱلثَّمَرَٰتِ جَعَلَ فِيهَا زَوْجَيْنِ ٱثْنَيْنِ ۖ يُغْشِى ٱلَّيْلَ ٱلنَّهَارَ ۚ إِنَّ فِى ذَٰلِكَ لَـَٔايَـٰتٍ لِّقَوْمٍ يَتَفَكَّرُونَ 3
{3} "Naye ndiye aliyeikujua ardhi;” yaani, aliiumba kwa ajili ya waja, akaipanua, akabariki ndani yake, akaitandaza kwa ajili ya waja, na akaweka ndani yake yale yenye manufaa kwao, "akaweka humo milima mathubuti.” Yaani, milima mikubwa, ili isiyumbeyumbe na viumbe. Kwa maana lau kuwa si milima, basi ingeyumbayumba na wakazi wake, kwa sababu iko juu ya mkondo wa maji, ambao haina uthabiti wowote wala kukaa tulivu isipokuwa kwa milima imara ambayo Mwenyezi Mungu ameifanya kuwa vigingi vyake. Na akafanya humo “mito” yenye kuwanywesha wanadamu, mifugo yao na mimea yao. Basi akatoa kwayo heri nyingi katika miti, mimea na matunda, na ndiyo maana akasema: "Na katika kila matunda akafanya jozi mbili la kiume na la kike;” yaani, sampuli mbili katika wanavyovihitaji waja. "Huufunika usiku juu ya mchana” kwa hivyo peo za macho zinakuwa giza, na kila mnyama anarudi kwenye makazi yake, na kupumzika kutokana na taabu na uchovu wa mchana. Kisha wanapotimiza haja yao katika kulala, mchana unaufunika usiku; basi wanakuwa hivi wameingia asubuhi wakawa [wanaenea] katika kutafuta masilahi yao na matendo yao mchana. “Na katika rehema zake ni kwamba amewafanyia usiku na mchana ili mpate kutulia humo na ili mtafute katika fadhila zake, ili mshukuru.” “Hakika katika hayo zimo Ishara” juu ya matakwa ya kiungu “kwa kaumu wanaotafakari,” juu yake na wanaziangalia kwa mtazamo wa kuzingatia wenye kunyesha kwamba aliyeziumba na kuziendesha na kuzibadilishabadilisha ni Mwenyezi Mungu ambaye hakuna mungu isipokuwa Yeye. Na hakuna muabudiwa asiyekuwa Yeye, na kwamba Yeye ni Mwenye kujua ghaibu na yanayoshuhudiwa, Mwingi wa rehema, Mwingi wa kurehemu, na kwamba Yeye ni Muweza wa kila kitu, Mwenye hekima katika kila kitu, Msifika kwa alichokiumba na alichoamrisha, Mwenye baraka na Mtukufu.