Yunus
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
إِلَيْهِ مَرْجِعُكُمْ جَمِيعًا ۖ وَعْدَ ٱللَّهِ حَقًّا ۚ إِنَّهُۥ يَبْدَؤُا۟ ٱلْخَلْقَ ثُمَّ يُعِيدُهُۥ لِيَجْزِىَ ٱلَّذِينَ ءَامَنُوا۟ وَعَمِلُوا۟ ٱلصَّـٰلِحَـٰتِ بِٱلْقِسْطِ ۚ وَٱلَّذِينَ كَفَرُوا۟ لَهُمْ شَرَابٌ مِّنْ حَمِيمٍ وَعَذَابٌ أَلِيمٌۢ بِمَا كَانُوا۟ يَكْفُرُونَ 4
{4} Alipotaja hukumu yake ya kimajaliwa, ambayo ni uendeshaji wa jumla, na hukumu yake ya kidini, ambayo ni sheria yake, ambayo madhumuni yake na makusudio yake ni kumwabudu yeye peke yake, bila mshirika yeyote, akataja hukumu ya kimalipo, ambayo ni malipo yake kwa matendo baada ya kufa. Akasema: "Kwake Yeye tu ndiyo marejeo yenu nyote.” Yaani, atawakusanya baada ya kufa kwenu kwa ajili ya wakati na siku maalumu. "Hakika Yeye ndiye anayeanzisha uumbaji, kisha ataurejesha” kwa maana Mwenye uwezo wa kuanzisha uumbaji ni muweza wa kuurudisha. Na mwenye kuona kuanza kwake uumbaji kisha akakanusha kurudisha kwake uumbaji, basi hana akili, ni mwenye kukanusha mojawapo ya mawili yanayofanana, pamoja na kuthibitisha kwake kile kinachofaa zaidi ya hilo analolikanusha. Basi huu ni ushahidi ulio wazi wa kiakili juu ya kurudishwa kwa uumbaji (Siku ya Qiyama). Kisha akataja ushahidi wa kimaandiko, akasema: "Hii ni ahadi ya Mwenyezi Mungu iliyo ya kweli;” yaani, ni Ahadi yake ya ukweli, na ni lazima itimizwe, “ili awalipe kwa uadilifu wale walioamini” kwa nyoyo zao yale aliyowaamrisha Mwenyezi Mungu kuyaamini, “na wakatenda mema” kwa viungo vyao miongoni mwa wajibu mbalimbai na yale yanayopekezwa. “Kwa uadilifu,” yaani: kwa imani yao na vitendo vyao, malipo ambayo alikwisha wabainishia waja wake na akajulisha kuwa hakuna nafsi yoyote inayojua waliyofichiwa miongoni mwa yale yafurahishayo macho. "Na wale waliokufuru” Aya za Mwenyezi Mungu, na wanawakadhibisha Mitume wa Mwenyezi Mungu, “wana vinywaji vya maji ya moto” yenye kubambua nyuso na kukata matumbo, "na adhabu chungu” kutoka kwa kila aina ya adhabu zinginezo “kwa sababu ya yale waliyokuwa wakikufuru.” Yaani, kwa sababu ya ukafiri wao na dhuluma yao. Na Mwenyezi Mungu hakuwadhulumu, bali wanajidhulumu wenyewe.