Al-An'aam
Voici une traduction du tafsîr d’as-Saʿdī, telle qu’IslamHouse.com la publie sur saadi.islamenc.com, lue dans les pages de ce site. Le site ne dit ni qui l’a traduite ni quelle édition imprimée elle suit, et n’indique aucune condition pour en reprendre le texte, si bien que le droit de la montrer n’est pas vérifié. Personne ne l’a comparée à un livre imprimé, et aucun savant ne l’a relue. Chaque passage se tient à côté des versets qu’il commente, qui sont le texte coranique de Tanzil, montré tel qu’il y est ; un verset auquel le site ne donne aucun commentaire propre se tient avec le passage qui le précède, et l’index nomme chacun de ces versets. Sabīl n’en a rien écrit ni traduit.
Texte desaadi.islamenc.comIslamHouse.comnone stated (the site names no licence and no terms for taking its text)pris le 2026-10-22
قُلْ أَغَيْرَ ٱللَّهِ أَتَّخِذُ وَلِيًّا فَاطِرِ ٱلسَّمَـٰوَٰتِ وَٱلْأَرْضِ وَهُوَ يُطْعِمُ وَلَا يُطْعَمُ ۗ قُلْ إِنِّىٓ أُمِرْتُ أَنْ أَكُونَ أَوَّلَ مَنْ أَسْلَمَ ۖ وَلَا تَكُونَنَّ مِنَ ٱلْمُشْرِكِينَ 14
{14} "Sema," uwaambie hawa wanaomshirikisha Mwenyezi Mungu, "nimfanye rafiki mwandani asiyekuwa Mwenyezi Mungu," katika viumbe hawa wasiojiweza ili wanipe ulinzi na kunisaidia? Basi simchukui asiyekuwa Yeye, Mtukufu kuwa rafiki mwandani. Kwa sababu Yeye "ndiye Muumba mwanzilishi wa mbingu na ardhi;" yaani, Muumba wake na Mwendeshaji wake, "naye ndiye anayelisha wala halishwi?" Yaani, Yeye ndiye Mwenye kuwaruzuku viumbe vyote bila ya Yeye kuwa na haja yoyote kutoka kwao. Basi vipi inafaa kwangu kumchukua rafiki mlinzi asiyekuwa Yeye Muumba, mwenye kuruzuku, mwenye kujitosheleza, Msifiwa? "Sema: Hakika Mimi nimeamrishwa kwamba niwe wa kwanza wa wenye kusilimu;" kwa Mwenyezi Mungu kwa tauhidi na kumfuata kwa utiifu. Kwa sababu mimi ninastahiki zaidi kuliko wengine yeyote kufuata amri za Mola wangu Mlezi, "Na wala kabisa usiwe miongoni wa washirikina." Yaani, pia nimekatazwa kuwa miongoni mwa washirikina. Si katika itikadi yao, wala katika kukaa nao, wala katika kukusanyika nao. Na hili ndiyo faradhi ya lazima kwangu, na wajibu wa lazima kwangu.