An-Nisaa
Voici une traduction du tafsîr d’as-Saʿdī, telle qu’IslamHouse.com la publie sur saadi.islamenc.com, lue dans les pages de ce site. Le site ne dit ni qui l’a traduite ni quelle édition imprimée elle suit, et n’indique aucune condition pour en reprendre le texte, si bien que le droit de la montrer n’est pas vérifié. Personne ne l’a comparée à un livre imprimé, et aucun savant ne l’a relue. Chaque passage se tient à côté des versets qu’il commente, qui sont le texte coranique de Tanzil, montré tel qu’il y est ; un verset auquel le site ne donne aucun commentaire propre se tient avec le passage qui le précède, et l’index nomme chacun de ces versets. Sabīl n’en a rien écrit ni traduit.
Texte desaadi.islamenc.comIslamHouse.comnone stated (the site names no licence and no terms for taking its text)pris le 2026-10-22
وَإِن مِّنْ أَهْلِ ٱلْكِتَـٰبِ إِلَّا لَيُؤْمِنَنَّ بِهِۦ قَبْلَ مَوْتِهِۦ ۖ وَيَوْمَ ٱلْقِيَـٰمَةِ يَكُونُ عَلَيْهِمْ شَهِيدًا 159
{159} Na kauli yake, "Na hawi katika Watu wa Kitabu isipokuwa hakika atamuamini yeye kabla ya kufa kwake." Inawezekana kwamba kiwakilishi ‘kwake’ hapa katika kauli yake ‘kabla ya kufa kwake inarejea kwa Watu wa Kitabu. Basi kama hivi inakuwa maana yake ni kwamba kila mtu wa Kitabu ambaye anahudhuriwa na mauti na akayaona mambo kwa uhakika, yeye hapo atamwamini Isa, amani iwe juu yake, lakini ni imani isiyofaa; ni Imani ya kulazimishwa. Kwa hivyo yanakuwa maudhui ya hili ni tishio na onyo la adhabu ili wasiendelee katika hali hii ambayo wataijutia kabla ya kufa kwao. Basi itakuwaje hali yao siku ya kukusanywa kwao na kufufuliwa kwao? Na Inawezekana kwamba kiwakilishi katika kauli yake “kabla ya kufa kwake” kinamrejelea Isa, amani iwe juu yake. Kwa hivyo maana yake inakuwa, hakuna hata mmoja katika Watu wa Kitabu isipokuwa atamwamini Masihi, amani iwe juu yake, kabla ya kifo cha Masihi. Na hilo litakuwa wakati Saa itakapokaribia na kuonekana kwa dalili zake kuu. Kwani kuna Hadithi nyingi Sahihi kuhusu kuteremka kwake, amani iwe juu yake, katika mwisho wa umma huu. Atamuua Dajjal na atasimamisha kutoa kwa Jizya (kodi anayoitoa asiyekuwa Muislamu katika nchi ya Waislamu kwa ajili ya kupewa ulinzi), na Watu wa Kitabu watamuamini pamoja na Waumini. "Naye Siku ya Qiyama," Isa atakuwa shahidi juu yao. Atashuhudia dhidi yao kwa vitendo vyao, na je vinaafikiana na sheria ya Mwenyezi Mungu au hapana? Na hapo, hatashuhudia isipokuwa ubatili wa kila kitu walicho juu yake ambacho ni kinyume na sheria ya Qur-ani, na kwa yale aliyowalingania Muhammad – swala na amani ziwe juu yake. Tulijua hilo kwa sababu ya elimu yetu juu ya uadilifu kamili wa Masihi amani ziwe juu yake na ukweli wake, na kwamba yeye hatashuhudia isipokuwa haki, isipokuwa kwamba yale aliyoyaleta Muhammad-rehema na amani ziwe juu yake- ndiyo haki, na yasiyokuwa hayo ni upotovu na batili.