As-Sajda
Voici une traduction du tafsîr d’as-Saʿdī, telle qu’IslamHouse.com la publie sur saadi.islamenc.com, lue dans les pages de ce site. Le site ne dit ni qui l’a traduite ni quelle édition imprimée elle suit, et n’indique aucune condition pour en reprendre le texte, si bien que le droit de la montrer n’est pas vérifié. Personne ne l’a comparée à un livre imprimé, et aucun savant ne l’a relue. Chaque passage se tient à côté des versets qu’il commente, qui sont le texte coranique de Tanzil, montré tel qu’il y est ; un verset auquel le site ne donne aucun commentaire propre se tient avec le passage qui le précède, et l’index nomme chacun de ces versets. Sabīl n’en a rien écrit ni traduit.
Texte desaadi.islamenc.comIslamHouse.comnone stated (the site names no licence and no terms for taking its text)pris le 2026-10-22
أَمْ يَقُولُونَ ٱفْتَرَىٰهُ ۚ بَلْ هُوَ ٱلْحَقُّ مِن رَّبِّكَ لِتُنذِرَ قَوْمًا مَّآ أَتَىٰهُم مِّن نَّذِيرٍ مِّن قَبْلِكَ لَعَلَّهُمْ يَهْتَدُونَ 3
{3} Na pamoja na hayo, watu madhalimu wanaomkadhibisha Mtume, rehema na amani za Mwenyezi Mungu ziwe juu yake, walisema juu ya hilo kwamba: Muhammad aliizua na akaitunga mwenyewe! Huu ni miongoni mwa ujasiri mkubwa zaidi wa kukanusha maneno ya Mwenyezi Mungu, na kumtuhumu Muhammad kwa uongo mkubwa zaidi, na uwezo wa viumbe kusema maneno kama ya Muumba. Kila moja katika haya ni moja ya mambo makubwa. Mwenyezi Mungu akasema akawajibu waliosema kwamba ametunga, "Bali hiki ni Kweli" ambaye haifikiwi na batili mbele kwa yake wala kwa nyuma yake, ni uteremsho kutoka kwa Mwenye hekima, Msifiwa. "Iliyotoka kwa Mola wako Mlezi" aliyeiteremsha iwe rehema kwa waja, "ili uwaonye watu wasiofikiwa na mwonyaji kabla yako." Yaani, wako katika hali inayolazimu na kuhitaji watumiwe Mtume na kuteremshiwa Kitabu kwa sababu hawakuwahi kutumiwa mwonyaji. Bali bado wanatangatanga kwa upofu katika ujinga wao. Na bado wanasitasita katika giza la upotofu wao. Basi tukakiteremsha Kitabu juu yako "huenda wakaongoka," kutokana na upotofu wao, wakapata kuijua haki na kuipendelea. Haya aliyoyataja Mwenyezi Mungu yote yanapingana na kukadhibisha kwao huko, na kwamba yanawahitajia kuwa na imani kamili na kusadiki kamili, kwamba kinatoka kwa Mola Mlezi wa walimwengu wote, na kwamba hicho ni haki, na haki inakubaliwa katika hali zote, na kwamba hakina shaka yoyote ndani yake kwa njia yoyote ile. Kwa hivyo, hakina chochote cha kusababisha shaka, si kwa habari zisizolingana na hali ya halisi ya mambo, wala kwa sababu ya kujificha na kuchanganya kwa maana zake, na kwamba wao ni wahitaji sana kutumia ujumbe, na kwamba kina uongofu kufikia kila heri na ihsani.