Al-Baqara
Voici une traduction du tafsîr d’as-Saʿdī, telle qu’IslamHouse.com la publie sur saadi.islamenc.com, lue dans les pages de ce site. Le site ne dit ni qui l’a traduite ni quelle édition imprimée elle suit, et n’indique aucune condition pour en reprendre le texte, si bien que le droit de la montrer n’est pas vérifié. Personne ne l’a comparée à un livre imprimé, et aucun savant ne l’a relue. Chaque passage se tient à côté des versets qu’il commente, qui sont le texte coranique de Tanzil, montré tel qu’il y est ; un verset auquel le site ne donne aucun commentaire propre se tient avec le passage qui le précède, et l’index nomme chacun de ces versets. Sabīl n’en a rien écrit ni traduit.
Texte desaadi.islamenc.comIslamHouse.comnone stated (the site names no licence and no terms for taking its text)pris le 2026-10-22
فَوَيْلٌ لِّلَّذِينَ يَكْتُبُونَ ٱلْكِتَـٰبَ بِأَيْدِيهِمْ ثُمَّ يَقُولُونَ هَـٰذَا مِنْ عِندِ ٱللَّهِ لِيَشْتَرُوا۟ بِهِۦ ثَمَنًا قَلِيلًا ۖ فَوَيْلٌ لَّهُم مِّمَّا كَتَبَتْ أَيْدِيهِمْ وَوَيْلٌ لَّهُم مِّمَّا يَكْسِبُونَ 79
(79) Mwenyezi Mungu Mtukufu aliwaahidi adhabu wale wanaopotosha Kitabu, ambao wanasema kuhusu kuwapotosha kwao na uongo wao. "Hiki kimetoka kwa Mwenyezi Mungu," na hili ndani yake lina kudhihirisha uongo na kuficha haki. Na walifanya hivyo pamoja na kujua kwao "ili wanunue kwacho thamani ndogo." Na dunia nzima tangu mwanzo wake hadi mwisho wake ni thamani ndogo. Hivyo basi, wakaufanya uongo wao kuwa mtego ambao kwa (mtego) huo, wanawinda vilivyo mikononi mwa watu. Basi wakawadhulumu (watu) kwa namna mbili: kwa upande wa kuwachanganyia dini yao, na kwa upande wa kuwachukulia mali zao bila ya haki, bali kwa batili ya batili zote. Na [hilo] ni kubwa zaidi kuliko mwenye kuzichukua kwa nguvu, wizi na mfano wake. Kwa sababu ya hayo, (Mwenyezi Mungu) aliwaahidi adhabu kwa mambo haya mawili akasema, "Basi ole wao kwa yale iliyoyaandika mikono yao." Yani kwa sababu ya kukibadilisha na (kwa sababu ya) uongo. "Na ole wao kwa yale wanayoyachuma." katika mali. Na "wayl" ni adhabu kali na majuto, ambayo miongoni mwake ni ahadi ya adhabu kubwa. Alisema Sheikhul-Islaam alipozitaja Aya hizi kuanzia kauli yake "Je, mnatumai?" hadi (kauli yake) "wanayoyachuma": Hakika Mwenyezi Mungu amewakashifu wale wanaobadilisha maneno (ya Mwenyezi Mungu) kutoka mahali pake. Na hilo anaingia ndani yake yule anayebebesha Kitabu na Sunnah yale aliyoanzisha miongoni mwa uzushi na batili. Na akamkashifu yule asiyejua Kitabu isipokuwa uongo anaoutamani. Na hilo anaingia ndani yake yule aliyeacha kuizingatia Qur-ani, na hakuijua isipokuwa kuzisoma herufi zake tu. Na anaingia ndani yake mwenye kuandika kitabu kwa mkono wake, kinachohalifu Kitabu cha Mwenyezi Mungu ili apate kwacho dunia. Na akasema: Hakika, hiki kimetoka kwa Mwenyezi Mungu, kama vile aseme: Hii ndiyo Sheria na Dini. Na hii ndiyo maana ya Kitabu na Sunnah. Na huku ndiko kufahamu kwa watangulizi wema na maimamu. Na hii ndiyo misingi ya Dini ambayo ni lazima iaminiwe na kila kibinafsi na kijumla. Na anaingia ndani yake mwenye kuficha alichonacho katika Kitabu na Sunnah, ili asije mwenye kumpinga kuichukua kuwa hoja dhidi yake katika haki ambayo anaisema. Na mambo haya ni mengi sana katika watu wa matamanio kijumla, kama vile Ar-rafidhwa [na Al-Jahmiyya na mfano wao miongoni mwa watu wa matamanio na Kalaam (yani wanaotegemea akili zao katika kuthibitisha imani), na katika watu wa matamanio] kila mmoja wao kivyake, kama vile wengi wa wanaojinasibisha na mafaqihi (wanachuoni) ... » mwisho.