Al-Anfaal

يَـٰٓأَيُّهَا ٱلَّذِينَ ءَامَنُوٓا۟ إِن تَتَّقُوا۟ ٱللَّهَ يَجْعَل لَّكُمْ فُرْقَانًا وَيُكَفِّرْ عَنكُمْ سَيِّـَٔاتِكُمْ وَيَغْفِرْ لَكُمْ ۗ وَٱللَّهُ ذُو ٱلْفَضْلِ ٱلْعَظِيمِ ۲۹

{29} Kutekeleza kwa mja uchaji wa Mola wake Mlezi ni anuani ya furaha na alama ya kufaulu. Na Mwenyezi Mungu ameuwekea uchamungu katika heri nyingi za duniani na akhera. Kwa hiyo akataja hapa kwamba anayemcha Mwenyezi Mungu, anapata mambo manne, kila moja yake ni bora zaidi kuliko dunia na vilivyomo ndani yake. La kwanza ni kipambanuo, nacho ni elimu na uwongofu ambao kwayo mwenyewe hupambanua baina ya uwongofu na upotovu, na haki na batili, na halali na haramu, na watu wa furaha kutokana na watu wa taabu. Ya pili na ya tatu ni kufuta mabaya na kusitiri dhambi. Na kila moja miongoni mwa hayo linaingia katika linginelo likiwa halikufungiwa, lakini yanatajwa yote kwa pamoja, kufuta kunakuwa kwa dhambi ndogo, na kusitiri dhambi kunakuwa kwa kufuta madhambi makubwa. La nne ni malipo makubwa na thawabu nyingi kwa mwenye kumcha na akaipendelea ridha yake kuliko matamanio ya nafsi yake. “Na Mwenyezi Mungu ndiye Mwenye fadhila kubwa.”