Al-An'aam

أَلَمْ يَرَوْا۟ كَمْ أَهْلَكْنَا مِن قَبْلِهِم مِّن قَرْنٍ مَّكَّنَّـٰهُمْ فِى ٱلْأَرْضِ مَا لَمْ نُمَكِّن لَّكُمْ وَأَرْسَلْنَا ٱلسَّمَآءَ عَلَيْهِم مِّدْرَارًا وَجَعَلْنَا ٱلْأَنْهَـٰرَ تَجْرِى مِن تَحْتِهِمْ فَأَهْلَكْنَـٰهُم بِذُنُوبِهِمْ وَأَنشَأْنَا مِنۢ بَعْدِهِمْ قَرْنًا ءَاخَرِينَ ۶

{6} Kisha akawaamrisha wazingatie kwa umma waliotangulia, kwa hivyo akasema, "Je, hawakuona ni vizazi vingapi tulivyoviangamiza kabla yao?" Yaani, ni mara ngapi kumefuatana kuangamiza kwetu umma zinazokadhibisha na tukawapa muhula kabla ya maangamizo hayo, kwamba, "Tuliwaimarisha katika dunia namna ambavyo hatukuwaimarisha" hawa kwa mali, na watoto, na starehe. “Na tukawatumia mvua nyingi na tukaifanya mito inapita kwa chini yao.” Ikawa inawaoteshea mazao na matunda alivyotaka Mwenyezi Mungu wakawa wanastareheka kwayo na walikula kwayo wanavyotamani, lakini hawakumshukuru Mwenyezi Mungu kwa neema zake. Bali waliyageukia matamanio na wakapumbazwa na [aina mbalimbali za] ladha, kisha wakawajia Mitume wao na hoja zilizo wazi, lakini hawakuzisadiki, bali walizikataa na wakazikadhibisha. Kwa hivyo Mwenyezi Mungu akawaadhibu kwa dhambi zao, na akaanzisha kizazi kingine baada yao. Basi huu ndio mwenendo wa Mwenyezi Mungu na ada yake katika umma zilizotangulia na zilizofuata. Basi zingatieni kutoka kwa wale ambao Mwenyezi Mungu aliwasimulia habari zao.