Al-An'aam

وَلِكُلٍّ دَرَجَـٰتٌ مِّمَّا عَمِلُوا۟ ۚ وَمَا رَبُّكَ بِغَـٰفِلٍ عَمَّا يَعْمَلُونَ ۱۳۲

{132} Lakini hata kama wanashiriki katika hasara, Wao hakika wanatofautiana katika kiasi chake kutofautiana kukubwa. "Na kila mmoja" wao "ana daraja mbalimbali kutokana na yale waliyoyatenda" kulingana na vitendo vyao, hachukuliwi wa ubaya mdogo miongoni mwao kama wa ubaya mwingi wao, wala mfuasi kama aliyefuatwa, wala anayeongozwa kama kiongozi. Kama vile wale wa thawabu na Pepo hata wakishirikiana katika faida, na kufaulu, na kuingia Peponi, lakini kati yao kuna tofauti ambayo haijui isipokuwa Mwenyezi Mungu tu, pamoja na kwamba wote walikwisha ridhia yale aliyowapa Mola wao na wakatosheka na yale aliyowapa bila ya malipo. Basi tunamuomba Mola Mtukufu atujaalie kuwa miongoni mwa wale watakaokuwa katika Firdaws ya juu kabisa, ambayo Mwenyezi Mungu amewaandalia wale walio karibu miongoni mwa waja Wake, na wale walioteuliwa miongoni mwa viumbe Wake, na wale wa juu zaidi miongoni mwa wale anaowapenda. "Na Mola wako Mlezi si mwenye kughafilika na yale wanayoyatenda." Basi atamlipa kila mmoja kulingana na matendo yake, na kwa yale anayoyajua katika makusudio yake.