Al-An'aam

لَهُمْ دَارُ ٱلسَّلَـٰمِ عِندَ رَبِّهِمْ ۖ وَهُوَ وَلِيُّهُم بِمَا كَانُوا۟ يَعْمَلُونَ ۱۲۷

127. Na ndiyo maana akasema, "Hao watapata nyumba ya salama kwa Mola Mlezi wao." Na Pepo iliitwa nyumba ya amani kwa sababu ya usalama wake kutokana na kila dosari, na maradhi, na machafu, na wasiwasi, dhiki na yasiyokuwa hayo miongoni mwa yale yanayokera. Na inalazimu kutokana na hilo kwamba furaha yake ni kamilifu sana na timilifu zaidi, kiasi kwamba hawawezi kuieleza wenye kueleza, na wala wenye kutamani hawatamani zaidi yake, miongoni mwa raha ya nafsi, na moyo na mwili. Na watakuwa ndani yake na yale yanayotamaniwa na nafsi na yale yanayopendeza macho, nao watadumu humo. "Naye ndiye Rafiki Mlinzi wao" ambaye amesimamia kuwaendesha, na kuwalea, na akawafanyia upole katika mambo yao yote, na akawasaidia katika kumtii Yeye, na akawasahilishia kila sababu inayofikisha kwenye mapenzi yake. Na aliwasimamia kwa sababu ya matendo yao mema na yale waliyotanguliza walikusudia kwayo ridhaa ya Mola wao Mlezi. Tofauti na yule aliyempa mgongo Mola wake Mlezi na akafuata matamanio yake, basi huyo alipewa Shetani mamlaka juu yake, kwa hivyo akamsimamia, na akamharibia dini yake na dunia yake.