Al-Qamar

أَكُفَّارُكُمْ خَيْرٌ مِّنْ أُو۟لَـٰٓئِكُمْ أَمْ لَكُم بَرَآءَةٌ فِى ٱلزُّبُرِ ۴۳

{43} Malengo ya kutaja hadithi hizi ni kuwaonya watu na wale waliomkadhibisha Muhammad - rehema na amani za Mwenyezi Mungu ziwe juu yake - na ndiyo maana akasema: "Je, makafiri wenu ni bora kuliko hao?" Yaani, je, hawa waliomkanusha Mitume bora zaidi ni bora kuliko wale waliokanusha ambao Mwenyezi Mungu alitaja maangamizo yao na yaliyowasibu? Ikiwa hawa ni bora kuliko wale; basi wataweza kuokoka kutokana na adhabu na hawatakumbwa na yale yaliyowapata watu wale waovu. Lakini sivyo ilivyo. Kwani ikiwa hawa si wabaya kuliko wale, basi wao si bora kuliko wale. "au yameandikwa vitabuni kuwa nyinyi hamtiwi makosani?" Yaani, au je, Mwenyezi Mungu alikupeni ahadi na agano katika vitabu alivyoteremsha kwa Manabii, kwa hivyo mnaamini kwamba nyinyi ndio mtakaofaulu kutokana na habari alizowapa Mwenyezi Mungu na ahadi yake? Hili si jambo la kweli. Bali hata haliwezekani, kiakili na kisheria, kwamba waliandikiwa kutotiwa kwao makosani katika vitabu vya kimungu vinavyojumuisha uadilifu na hekima. Basi siyo katika hekima kuwaokoa watu kama hawa, wakaidi, wanaomkadhibisha Mitume bora zaidi na mtukufu zaidi wao kwa Mwenyezi Mungu.