Luqman
این ترجمهٔ تفسیر سعدی است، همان‌گونه که IslamHouse.com آن را در saadi.islamenc.com منتشر می‌کند و از صفحه‌های آن سایت گرفته شده است. سایت نمی‌گوید چه کسی آن را ترجمه کرده و از کدام چاپ پیروی می‌کند، و برای برداشتن متن آن شرطی بیان نمی‌کند، پس حق نمایش آن تأیید نشده است. کسی آن را با کتاب چاپی مقایسه نکرده و عالمی آن را بررسی نکرده است. هر بخش در کنار آیه‌هایی آمده که دربارهٔ آن‌ها توضیح می‌دهد و این آیه‌ها متن قرآن از Tanzil است، همان‌گونه که آنجا هست؛ آیه‌ای که سایت توضیح جداگانه‌ای برایش نمی‌دهد با بخش پیش از خود می‌آید، و فهرست هر چنین آیه‌ای را نام می‌برد. سبیل چیزی از آن را ننوشته و ترجمه نکرده است.
متن ازsaadi.islamenc.comIslamHouse.comnone stated (the site names no licence and no terms for taking its text)برداشته‌شده در 2026-10-22
إِنَّ ٱللَّهَ عِندَهُۥ عِلْمُ ٱلسَّاعَةِ وَيُنَزِّلُ ٱلْغَيْثَ وَيَعْلَمُ مَا فِى ٱلْأَرْحَامِ ۖ وَمَا تَدْرِى نَفْسٌ مَّاذَا تَكْسِبُ غَدًا ۖ وَمَا تَدْرِى نَفْسٌۢ بِأَىِّ أَرْضٍ تَمُوتُ ۚ إِنَّ ٱللَّهَ عَلِيمٌ خَبِيرٌۢ ۳۴
{34} Imethibiti kwamba elimu ya Mwenyezi Mungu Mtukufu imezunguka mambo ya ghaibu na yanayoshuhudiwa, na yaliyodhahiri na ya siri, na Mwenyezi Mungu anaweza kuwajulisha waja wake mambo mengi ya ghaibu. Na mambo matano haya ni miongoni mwa mambo ambayo elimu yake imeyaficha wasiyajue viumbe wote; Kwa hivyo, hakuna Nabii aliyetumwa anayeyajua, wala Malaika wa karibu, mbali zaidi na wasiokuwa wao. Akasema, "Hakika kuijua Saa ya Kiyama kuko kwa Mwenyezi Mungu." Ni lini itafika, kama alivyosema Mwenyezi Mungu Mtukufu, "Wanakuuliza Saa (ya Kiyama) itakuwa lini? Sema: Kuijua kwake kuko kwa Mola Mlezi wangu. Haidhihirishi hiyo kwa wakati wake ila Yeye. Ni nzito katika mbingu na ardhi. Haikujiini ila kwa ghafla tu..." hadi mwisho wa aya. "Na Yeye ndiye anayeiteremsha mvua" peke yake, naye peke yake ndiye ajuaye wakati wa kuteremka kwake. "Na anavijua vilivyo ndani ya matumbo ya uzazi." Kwani, Yeye ndiye aliyeumba vilivyomo ndani yake, na anajua ni akina nani; je ni wa kiume au wa kike? Na ndiyo maana malaika aliyepewa kusimamia matumbo ya uzazi humwuliza Mola wake Mlezi: Je, yeye ni wa kiume au wa kike? Kwa hiyo Mwenyezi Mungu kaamua chochote anachotaka. "Na haijui nafsi yoyote itachuma nini kesho" kuhusiana na dini yake na dunia yake. "Wala nafsi yoyote haijui itafia nchi gani." Bali Mwenyezi Mungu Mtukufu ndiye ajuaye tu hayo yote. Na Mwenyezi Mungu alipovitaja vitu hivyo hasa, akabainisha kwamba elimu yake inajumuisha kila kitu, akasema, "Hakika Mwenyezi Mungu ndiye Mwenye kujua, Mwenye habari." Ameyazunguka yaliyodhahiri, yaliyofichikana na siri zote. Na katika hekima yake kamili ni kwamba ameificha elimu ya matano haya wasiyajue waja. Kwa sababu kuna masilahi katika hili ambayo hayafichikani kwa mwenye kuyatafakari.
Imekamilika tafsiri ya Surat Luqman kwa fadhila za Mwenyezi Mungu na kwa msaada wake, na sifa njema ni za Mwenyezi Mungu.