Ash-Shu'araa

وَٱخْفِضْ جَنَاحَكَ لِمَنِ ٱتَّبَعَكَ مِنَ ٱلْمُؤْمِنِينَ ۲۱۵

{215} "Na watwae kwa upole wanaokufuata miongoni mwa Waumini." Kwa ulaini, na upole katika kuwaongelesha, na kuwapenda, na kuwaonyesha tabia nzuri, na kuwafanyia hisani kamili. Naye Mtume, rehema na amani za Mwenyezi Mungu ziwe juu yake, alikwisha fanya hivyo, kama alivyosema Mwenyezi Mungu Mtukufu, "Basi ni kwa sababu ya rehema itokayo kwa Mwenyezi Mungu ndio umekuwa laini kwao. Na lau ungelikuwa mkali, mwenye moyo mgumu, bila ya shaka wangelikukimbia. Basi wasamehe, na waombee maghfira, na shauriana nao katika mambo." Na hizi ndizo tabia zake - yeye rehema na amani za Mwenyezi Mungu ziwe juu yake, ambazo ni tabia kamilifu zaidi, ambazo kwazo mtu anapata masilahi makubwa na anazuilika na madhara kama inavyoshuhudiwa. Basi je, inafaa kwa yule anayemuamini Mwenyezi Mungu na Mutume wake anayedai kumfuata na kumuiga kuwa kwamba yeye ndiye mzigo kwa Waislamu, muovu wa maadili, mkali na mgumu wa moyo juu yao. Na akiwaona wakiasi au tabia mbaya, anawagura, na kuwachukia, hana ulaini wowote kwao wala tabia nzuri, wala kuunganisha watu. Yaliyotokea yaliyotokea kwa sababu ya haya yenye uharibifu na kupoteza masilahi, lakini pamoja na hayo, utamkuta anamdharau yule ambaye anasifika kwa sifa za Mtume mtukufu, huku anashutumu kwa unafiki na kwamba anasalimu amri kwa maadui. Kisha akajitaja yeye mwenyewe na akajiinua juu na akapendezwa na matendo yake? Basi je, hayo si isipokuwa kwa sababu ya ujinga wake na kupambiwa hayo na kuhadaiwa na Shetani?!