Al-Furqaan

وَكَذَٰلِكَ جَعَلْنَا لِكُلِّ نَبِىٍّ عَدُوًّا مِّنَ ٱلْمُجْرِمِينَ ۗ وَكَفَىٰ بِرَبِّكَ هَادِيًا وَنَصِيرًا ۳۱

{31} Naye Mwenyezi Mungu akasema huku akimliwaza Mtume wake na akimjulisha kwamba: Hakika viumbe hawa wana watangulizi waliofanya kama walivyofanya hawa. Na akasema, "Na vivyo hivyo tumemfanyia kila Nabii adui miongoni mwa wahalifu," miongoni mwa wale ambao hawaifailii heri wala hawatakasiki kwayo. Wale wanaowapinga, na kuwakataa, na wanajadiliana nao kwa batili. Na baadhi ya faida za hili ni haki kuwa juu ya batili, na kubainika kwa haki na kuwa wazi kwa uwazi mkubwa, kwa sababu batili kuipinga haki kunaiongezea uwazi, na kuwa kwake ushahidi kamilifu, na ili tuone kile ambacho Mwenyezi Mungu anawafanyia wana haki kama vile kuwatukuza, na kile anachowafanyia wana batili kama vile kuwaadhibu. Kwa hivyo usiwahuzunikie, wala nafsi yako isijihiliki kwa kuwahuzunikia. "Na Mola wako Mlezi anatosha kuwa Mwenye kuongoa;" mwenye kukuongoa ukapata kile unachohitaji na masilahi ya dini yako na dunia yako. "Na Mwenye kunusuru," atakayekunusuru dhidi ya maadui zako, na kukuzuilia na kila la kuchukiza katika mambo ya dini na dunia. Kwa hivyo jitosheleze naye na umtegemee.