Al-Muminoon

أَفَلَمْ يَدَّبَّرُوا۟ ٱلْقَوْلَ أَمْ جَآءَهُم مَّا لَمْ يَأْتِ ءَابَآءَهُمُ ٱلْأَوَّلِينَ ۶۸

{68} "Je, hawakuifikiri kauli?" Yaani, je, hawaitafakari Qur-ani, na wakaizingatia na wakaifikiri; yaani, kama wao wangeliizingatia; ingeliwawajibishia imani , na ingeliwazuia wasikufuru, bali msiba uliowapata ni kwa sababu ya kukataa kwao kufanya hivyo. Hii ilionyesha kwamba, kutafakari kwa Qur-ani kunaita katika mema yote na kukataza dhidi ya maovu yote, na lilowazuia kuitafakari Qur-ani ni kwamba, mioyo yao ina kufuli. "Au yamewajia yasiyowafikia baba zao wa zamani?" Yaani, walizuiwa kuamini kwamba aliwajia mjumbe na kitabu ambacho hakikuwafikia baba zao wa zamani, walijifaridhishia kufuata njia ya baba zao waliopotea, na wakapinga kila kitu ambacho kilikuwa kinyume na hayo! Kwa sababu hiyo, wao na makafiri wengine kama wao walisema juu ya aliyowaambia Mwenyezi Mungu: "Na kadhalika hatukumtuma kabla yako mwonyaji kwenye mji wowote ila watu wake waliodeka kwa starehe walisema: 'Hakika sisi tuliwakuta baba zetu wanashika dini makhsusi, na sisi tunafuata nyayo zao.' Na Mwenyezi Mungu aliwajibu kwa kauli yake, "Akasema: Nikiwajieni na mwongozo bora kuliko yale mliyowapata baba zenu juu yake je, mtanifuata," ikiwa makusidio yenu ni haki? Walijibu kwa uhakika wa hali yao, "Walisema, Hakika sisi tunayakataa hayo mliyotumwa nayo."