Al-Israa

مَّن كَانَ يُرِيدُ ٱلْعَاجِلَةَ عَجَّلْنَا لَهُۥ فِيهَا مَا نَشَآءُ لِمَن نُّرِيدُ ثُمَّ جَعَلْنَا لَهُۥ جَهَنَّمَ يَصْلَىٰهَا مَذْمُومًا مَّدْحُورًا ۱۸

{18} Yeye Mtukufu anajulisha kwamba "anayetaka" dunia hii ambayo ni katika yale "yapitayo upesi upesi" itakayoisha na kuondoka, kwa hivyo akafanya matendo kwa ajili yake na akatia bidii katika hilo, na akasahau mwanzo au mwisho, basi Mwenyezi Mungu anamharakishia katika kumpa vitu vyake visivyo na thamani, na vitu vyake vinginevyo chochote anachopenda na anachotaka katika yale ambayo Mwenyezi Mungu alimwandikia katika Ubao Uliohifadhiwa, lakini ni vitu visivyo na manufaa wala vya kudumu navyo, na kisha amemuwekea katika Akhera, "Jahannamu; ataingia humo" na kukabiliana na adhabu yake, "hali ya kuwa ni mwenye kulaumiwa na kufurushwa." Yaani, katika hali ya hizaya, fedheha, na kashfa kutoka kwa Mwenyezi Mungu na kutoka kwa viumbe vyake na kuwekwa mbali na rehema za Mwenyezi Mungu, kwa hivyo akawa amemjumuishia adhabu na fedheha.