Ibrahim

قُل لِّعِبَادِىَ ٱلَّذِينَ ءَامَنُوا۟ يُقِيمُوا۟ ٱلصَّلَوٰةَ وَيُنفِقُوا۟ مِمَّا رَزَقْنَـٰهُمْ سِرًّا وَعَلَانِيَةً مِّن قَبْلِ أَن يَأْتِىَ يَوْمٌ لَّا بَيْعٌ فِيهِ وَلَا خِلَـٰلٌ ۳۱

{31} Yaani, waambie waja wangu waumini ukiwaamrisha kufanya yale yanayowafaa zaidi na kwamba waichukue fursa kabla ya wao kushindwa kufanya hivyo kwamba "washike Swala" kwa nje na kwa ndani; "na watoe katika vile tulivyowaruzuku." Yaani, kutoka katika neema tulizowaneemesha kwazo, kidogo au kingi, "kwa siri na dhahiri". Na hili linajumuisha kutoa kwa ajili ya matumizi ya wajibu kama vile zaka na matumizi ya wale inaomlazimu yeye kuwapa masurufu. Na pia kunaingia hapa kutoa kunakopendekezwa kama vile sadaka na mfano wake. "Kabla haijafika Siku isiyokuwa na biashara yoyote wala urafiki;" yaani, hakuna kitu kitakachofaa siku hiyo, wala hakutakuwa na njia ya kufanya yaliyopita. Si kwa kununua na kuuza, wala kwa zawadi ya mwandani na rafiki. Kila mtu atakuwa na jambo lake la kumtosha. Basi mja na aitangulizie nafsi yake, na aangalie alichotanguliza kwa ajili ya Kesho, na ayakague matendo yake, na ajifanyie hesabu kabla ya ile hesabu kubwa zaidi.