At-Tawba
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَٱلْمُؤْمِنُونَ وَٱلْمُؤْمِنَـٰتُ بَعْضُهُمْ أَوْلِيَآءُ بَعْضٍ ۚ يَأْمُرُونَ بِٱلْمَعْرُوفِ وَيَنْهَوْنَ عَنِ ٱلْمُنكَرِ وَيُقِيمُونَ ٱلصَّلَوٰةَ وَيُؤْتُونَ ٱلزَّكَوٰةَ وَيُطِيعُونَ ٱللَّهَ وَرَسُولَهُۥٓ ۚ أُو۟لَـٰٓئِكَ سَيَرْحَمُهُمُ ٱللَّهُ ۗ إِنَّ ٱللَّهَ عَزِيزٌ حَكِيمٌ 71
{71} Alipotaja kuwa wanafiki wanatokana wao kwa wao, akataja kwamba Waumini ni marafiki walinzi wao kwa wao, akawasifu kwa kinyume cha alichowasifu kwacho wanafiki, kwa hivyo akasema: "Na Waumini wanaume na Waumini wanawake;" yaani, wa kiume wao na wa kike wao "wao kwa wao ni marafiki walinzi;" katika mapenzi, na kushirikiana, na kufungamana, na kunusuriana. "Huamrisha mema." Nalo ni jina linalojumuisha kila linalojulikana kuwa ni heri miongoni mwa itikadi mbalimbali nzuri, na matendo mema, na maadili mema, na watu wa kwanza anayeingia katika amri yao ni wao wenyewe. "Na hukataza maovu." Nayo ni kila kitu kinachopingana na mema, na kuyapunguza miongoni mwa itikadi batili, na matendo maovu, na tabia chafu, "Na humtii Mwenyezi Mungu na Mtume wake." Yaani hawajaacha kushikamana na kumtii Mwenyezi Mungu na Mtume wake daima. "Hao Mwenyezi Mungu atawarehemu;" yaani, atawaingiza katika rehema yake na kuwazunguka kwa ihsani yake. "Hakika Mwenyezi Mungu ni Mwenye nguvu, Mwenye hekima." Yaani, ni Mwenye nguvu, Mshindi. Lakini pamoja na nguvu zake, Yeye ni Mwenye hekima, anakiweka kila kitu pahali pake panapokistahili, ambaye anasifiwa kwa alichokiumba na alichoamrisha.