Al-Anfaal
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَٱلَّذِينَ ءَامَنُوا۟ مِنۢ بَعْدُ وَهَاجَرُوا۟ وَجَـٰهَدُوا۟ مَعَكُمْ فَأُو۟لَـٰٓئِكَ مِنكُمْ ۚ وَأُو۟لُوا۟ ٱلْأَرْحَامِ بَعْضُهُمْ أَوْلَىٰ بِبَعْضٍ فِى كِتَـٰبِ ٱللَّهِ ۗ إِنَّ ٱللَّهَ بِكُلِّ شَىْءٍ عَلِيمٌۢ 75
{75} Na vivyo hivyo, wale waliokuja baada ya hawa Muhajirina na Ansari miongoni mwa wale waliowafuata kwa wema, na wakaamini, na wakahama, na wakafanya Jihadi katika njia ya Mwenyezi Mungu, "basi hao ni miongoni mwenu." Wana yale mliyo nayo, na ni juu yao yale yaliyo juu yenu. Basi huu ndio urafiki wa ulinzi wa kiimani. Na ulikuwa katika mwanzo mwa Uislamu una athari kubwa na jambo kubwa, mpaka Nabii rehema na amani za Mwenyezi Mungu ziwe juu yake alifanya kati ya Muhajirina na Ansari udugu maalumu usiokuwa udugu wa kiimani wa jumla, na mpaka walikuwa wakirithiana kwa huo. Kisha Mwenyezi Mungu akateremsha, "Na jamaa wa nasaba wanastahikiana zaidi wenyewe kwa wenyewe katika Kitabu cha Mwenyezi Mungu." Kwa hivyo hamrithi isipokuwa jamaa zake tu miongoni mwa wale wanaochukua mali yote iliyosalia, na wale wenye mafungu maalumu. Na kama hawako, basi ni jamaa zake wa karibu zaidi miongoni mwa jamaa wengineo, kama ulivyoashiria hilo ujumla wa aya hii tukufu. Na kauli yake, "Katika Kitabu cha Mwenyezi Mungu" yaani, katika hukumu yake na sheria Yake. "Hakika, Mwenyezi Mungu ni Mwenye kujua vyema kila kitu." Na katika hilo ni yale anayoyajua kuhusu hali zenu, ambazo anawawekea sheria za kidini ambazo zinawafailia.
Imetimia Tafsir ya Surat Al-Anfaal, na sifa njema zote ni za Mwenyezi Mungu.