Al-Anfaal
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
يَـٰٓأَيُّهَا ٱلنَّبِىُّ حَرِّضِ ٱلْمُؤْمِنِينَ عَلَى ٱلْقِتَالِ ۚ إِن يَكُن مِّنكُمْ عِشْرُونَ صَـٰبِرُونَ يَغْلِبُوا۟ مِا۟ئَتَيْنِ ۚ وَإِن يَكُن مِّنكُم مِّا۟ئَةٌ يَغْلِبُوٓا۟ أَلْفًا مِّنَ ٱلَّذِينَ كَفَرُوا۟ بِأَنَّهُمْ قَوْمٌ لَّا يَفْقَهُونَ 65
{65} Yeye Mtukufu anamwambia Nabii wake - rehema na amani za Mwenyezi Mungu zimshukie: - "Ewe Nabii! Wahimize Waumini juu ya kupigana vita.” Yaani, wahimize na wafanye wanyanyuke kuviendea kwa kila chenye kutia nguvu azimio lao na kukakamsha hamasa zao, miongoni mwa kutia moyo wa kufanya jihadi na kupigana na maadui, na kutishia dhidi ya hilo, na kutaja fadhila za ujasiri na subira, na yale yanayoambatana na hayo ya manufaa ya dunia hii na ya Akhera; na kutaja madhara ya uwoga, na kwamba ni katika tabia duni ambazo hupunguza dini na maadili, na kwamba Waumini wanafaa zaidi kuwa na ujasiri kuliko wengineo. “Ikiwa mnaumia, basi nao pia wanaumia kama mnavyoumia. Nanyi mnataraji kwa Mwenyezi Mungu yale wasiyoyataraji.” “Wakiwapo miongoni mwenu” enyi Waumini, “ishirini wanaosubiri, watawashinda mia mbili. Na wakiwapo miongoni mwenu mia, watawashinda elfu moja katika wale waliokufuru.” Atakuwa mmoja sawa na kumi katika makafiri, na hilo ni kwamba makafiri ni “kaumu wasiofahamu.” Yaani, hawana elimu ya yale Mwenyezi Mungu aliwaandalia wanaopambana katika njia yake. Kwani wao wanapigana vita kwa ajili ya kuinuka katika dunia na kufanya uharibifu humo, nanyi mnafahamu makusudio katika kupigana vita kwamba ni kwa ajili ya kuliinua neno la Mwenyezi Mungu, na kuidhihirisha dini yake, na kukitetea Kitabu cha Mwenyezi Mungu, na kupata ushindi mkubwa zaidi kwa Mwenyezi Mungu, na hizi zote ni sababu za kumfanya mtu awe na ujasiri, na subira, na kuviendea vita.