Al-An'aam
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
فَلَمَّا جَنَّ عَلَيْهِ ٱلَّيْلُ رَءَا كَوْكَبًا ۖ قَالَ هَـٰذَا رَبِّى ۖ فَلَمَّآ أَفَلَ قَالَ لَآ أُحِبُّ ٱلْـَٔافِلِينَ 76
{76} "Na ulipomuingilia usiku;" yaani, giza lilipoingia, "akaiona nyota," labda ni ilikuwa ni katika nyota angavu. Kwa sababu kuitaja kwa njia maalumu kunaashiria kuwa ni bora kuliko nyinginezo. Na ndiyo maana - na Mwenyezi Mungu ndiye Ajuaye zaidi – akasema aliyesema kwamba ni Zuhura "Huyu ndiye Mola Mlezi wangu;" yaani, kwa namna ya kujishusha kwa daraja la mpinzani. Yaani, huyu ndiye Mola wangu Mlezi; basi njooni tuangalie: Je, anastahiki Umola? Na je, utasimama ushahidi wowote wetu kwa hilo? Kwani haimfailii mwenye akili timamu kuyachukua matamanio yake kuwa ndiyo mungu wake bila ya uthibitisho wala hoja. "Na ilipotua;" yaani, nyota hiyo ilipotoweka; "Akasema: Siwapendi wanaotua.” Yaani, mwenye kutoweka na kufichikana kwa yule anayemwabudu. Kwa maana, muabudiwa ni lazima ayasimamie masilahi ya mwenye kumuabudu na kumuendeshea mambo yake yote. Ama yule ambaye unapita muda mwingi hali ya kuwa hayupo, basi ni vipi atastahiki kuabudiwa? Na je, kumchukua yeye kuwa mungu si isipokuwa upumbavu wa upumbavu wote, na batili ya batili zote?