Al-Baqara

أَلَمْ تَرَ إِلَى ٱلَّذِينَ خَرَجُوا۟ مِن دِيَـٰرِهِمْ وَهُمْ أُلُوفٌ حَذَرَ ٱلْمَوْتِ فَقَالَ لَهُمُ ٱللَّهُ مُوتُوا۟ ثُمَّ أَحْيَـٰهُمْ ۚ إِنَّ ٱللَّهَ لَذُو فَضْلٍ عَلَى ٱلنَّاسِ وَلَـٰكِنَّ أَكْثَرَ ٱلنَّاسِ لَا يَشْكُرُونَ 243

{243} Yani, je, haukukisikia kisa hiki cha ajabu kilichowatokea wale waliokuwa kabla yenu miongoni mwa Wana wa Israili. Wakati ugonjwa ulipofika katika makazi yao, kwa hivyo wakatoka kwa wingi huu wakiyakimbia mauti. Lakini kukumbia huko hakukuwaokoa, wala hakukuwasaidia kutokana na kuingia katika yale waliyokuwa wakiyatahadhari. Basi akawafanyia kinyume cha makusudio yao, na Mwenyezi Mungu akawafisha hadi mwisho wao. Kisha akawafanyia hisani. Na akawahuisha ima kwa dua ya Nabii kama walivyosema wengi wa wafasiri; na ima kwa lisilokuwa hilo. Lakini hilo ni kwa sababu ya fadhila zake na hisani yake. Naye haijaacha fadhila yake kuwa juu ya watu. Na hilo linawalazimu kuzishukuru neema za Mwenyezi Mungu kwa kuzikubali na kuzitumia katika radhi za Mwenyezi Mungu. Na pamoja na hayo, watu wengi wamepuuza katika wajibu wa kushukuru. Na katika kisa hiki kuna somo kwamba Yeye ana uwezo juu ya kila kitu. Na hiyo ni dalili inayoonekana ya ufufuo. Kwa maana kisa hiki kinajulikana, na kusimuliwa kusimuliwa kusikokuwa na shaka yoyote kwa Wana wa Israili na wale wanaohusiana nao. Na kwa sababu hii ndiyo Mola Mtukufu akakileta kwa mtindo wa amri ambayo inajulikana vizuri miongoni mwa wale walioongeleshwa. Na inawezekana kwamba ni wale waliotoka katika maboma yao kwa sababu ya kuhofia maadui na woga wa kukutana nao. Na hili linaungwa mkono na ukweli kwamba Mwenyezi Mungu alitaja baada ya hapo amri ya kupigana vita. Na akajulisha kuhusu Wana wa Israili kwamba walikuwa wametolewa katika maboma yao na watoto wao. Na kwa uwezekano huu muwili, ndani yake kuna himizo la kufanya jihadi na onyo dhidi ya kukaa na kuiacha. Na kwamba hayo hayafai kitu kutokana na mauti, "Sema: Hata mngelikuwa katika nyumba zenu, basi wangelitoka wale walioandikiwa kuuawa, wakaenda hadi mahali pao pa kufia."