الغاشية
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
وُجُوهٌ يَوْمَئِذٍ نَّاعِمَةٌ ٨ لِّسَعْيِهَا رَاضِيَةٌ ٩ فِى جَنَّةٍ عَالِيَةٍ ١٠ لَّا تَسْمَعُ فِيهَا لَـٰغِيَةً ١١ فِيهَا عَيْنٌ جَارِيَةٌ ١٢ فِيهَا سُرُرٌ مَّرْفُوعَةٌ ١٣ وَأَكْوَابٌ مَّوْضُوعَةٌ ١٤ وَنَمَارِقُ مَصْفُوفَةٌ ١٥ وَزَرَابِىُّ مَبْثُوثَةٌ ١٦
{8 - 16} Ama watu wema; Nyuso zao Siku ya Kiyama "zitakuwa kunjufu." Yaani, mng'aro wa neema utakuwa umewashukia, na kuifanya miili yao kuwa safi, nyuso zao zikawa na nuru, na wakawa na furaha tele. "Zitakuwa radhi kwa juhudi yao" ambazo walizitanguliza katika dunia hii miongoni mwa matendo mema na kuwafanyia hisani waja wa Mwenyezi Mungu. Kwani watapokuta malipo malipo yake yamewekwa na kuongezwa maradufu, basi watasifu mwisho wake na wakapata kila walichokuwa wakitaka. Haya ni kwa sababu watakuwa "Katika Bustani ya mbinguni" yenye kujumuisha kila namna ya neema "za juu" katika mahali na makao. Kwa sababu, mahali pake ni mahali pa juu zaidi na makao yake ni katika nyumba za juu, yenye vyumba, na juu ya vyumba hivyo kuna vimejengwa vyumba ambavyo kutokea hapo wataangalia mambo matukufu ambayo Mwenyezi Mungu amewaandalia. "Matunda yake yakaribu" ni mengi, matamu na ni rahisi kuyachuma, kiasi kwamba wataweza kuyachuma kwa hali yao yoyote ile, na hawatahitaji kupanda mti au wala hakuna tunda litakalokuwa gumu kulifikia humo. "Hawatasikia humo" Peponi "upuuzi" na maneno batili achilia mbali maneno ya haramu. Bali maneno yao ni maneno mazuri na yenye manufaa, ambayo yanajumuisha kumkumbuka Mwenyezi Mungu, kukumbuka neema zake za mara kwa mara juu yao, na tabia njema baina ya wanaoishi pamoja, yanayopendeza nyoyo na kupanua vifua. "Humo imo chemchemi inayomiminika" wataifanya imiminike watakavyo na popote wapendapo. "Humo vimo viti vilivyonyanyuliwa." Navyo ni viti vya aina ya kitanda ambavyo ni viliinuliwa juu vyenyewe na pia kwa sababu ya magodoro laini na mazuri yaliyo juu yake. "Na bilauri zilizopangwa" huku zimejaa aina mbalimbali za vinywaji vya ladha, vilivyowekwa mbele yao, na zikatayarishwa kwa ajili yao, na zikawa zinapatikana kwa ombi lao na hiari yao, ambazo wataletewa mara kwa mara na watoto wa ujana wa milele. "Na matakia safu safu" yaliyotengenezwa kwa hariri laini na hariri nzito na vitu vinginevyo ambavyo Mwenyezi Mungu pekee ndiye anayejua. Hivyo vitakuwa vimeshapangwa kwa ajili yao kukalia na kuegemea, na watapumzishwa na suala la kuviweka hapo au kuvipanga wenyewe. "Na mazulia yaliyotandikwa" kila upande katika mahali pao pa kukaa.