الأنفال
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
وَإِن جَنَحُوا۟ لِلسَّلْمِ فَٱجْنَحْ لَهَا وَتَوَكَّلْ عَلَى ٱللَّهِ ۚ إِنَّهُۥ هُوَ ٱلسَّمِيعُ ٱلْعَلِيمُ ٦١
{61} Yeye Mtukufu anasema "Na wakiielekea amani;” yaani, makafiri wanaopigana vita nawe. Yaani, wakielekea kwenye amani, yaani, suluhu na kuacha kupigana vita, "basi nawe pia ielekee na mtegemee Mwenyezi Mungu.” Yaani, waitikie yale waliyoomba ukimtegemea Mola wako Mlezi. kwani katika hilo kuna faida nyingi. Mongoni mwake ni kwamba, kuomba kuwa salama, kunahitajika kila wakati. Na ikiwa wao ndio walioanza katika hilo, basi inakuwa ni bora zaidi kuwaitikia. Na miongoni mwake ni kwamba, katika hilo kuna kuzidisha nguvu zenu na kujiandaa kwenu kwa ajili ya kupigana nao katika wakati mwingine ikiwa hilo litahitajika. Na miongoni mwake ni kwamba, mtasuluhisha na kila mmoja wenu akawa na amani kutoka kwa mwenzake, na akaweza kila mmoja wenu kujua kile anachofanya mwenzake, basi Uislamu unakuwa juu na wala hakiwi juu yake chochote. Kwa hivyo kila mwenye akili na ufahamu, kama ni mwadilifu, basi ni lazima ataupendelea juu ya dini nyingineyo miongoni mwa dini mbalimbali, kwa sababu ya uzuri wake katika amri zake na makatazo yake. Na uzuri wake katika kuamiliana kwake na viumbe, na kufanya uadilifu kwao. Na kwamba hakuna ukandamizaji ndani yake wala dhuluma kwa namna yoyote ile. Basi hapo wanakuwa wengi wanaoitaka na waifuatao, kwa hivyo amani hii ikawa ni msaada kwa Waislamu dhidi ya makafiri.