الأنفال
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
وَإِمَّا تَخَافَنَّ مِن قَوْمٍ خِيَانَةً فَٱنۢبِذْ إِلَيْهِمْ عَلَىٰ سَوَآءٍ ۚ إِنَّ ٱللَّهَ لَا يُحِبُّ ٱلْخَآئِنِينَ ٥٨
{58} Yaani, kama kati yako na kaumu fulani kuna ahadi na agano la kuacha kupigana vita, lakini ukahofia usaliti kutoka kwao, kwa sababu ulidhihirika ushahidi wa hali zao unaoonyesha usaliti wao bila ya wao kusema hilo waziwazi, "basi watupilie" ahadi yao. Yaani, watupie na uwaambie kwamba hakuna agano lolote baina yako na wao. "Kwa usawa;" yaani, mpaka elimu yako na yao iwe sawa juu ya hilo, wala hairuhusiwi kwako kuwafanyia usaliti, au kuwania katika kitu chochote miongoni mwa yale yaliyokatazwa na matakwa ya agano hilo mpaka uwaambie hilo. "Hakika Mwenyezi Mungu hawapendi wahaini" bali anawachukia kuchukia kukubwa zaidi. Kwa hivyo, ni lazima kuwe na jambo lililo wazi ambalo litawaondoa katika uhaini. Na Aya hii inaonyesha kwamba kama utapatikana uhaini [wa kweli] kutoka kwao, basi haihitaji kuwatupia agano lao hilo, kwa sababu hakuna hofu juu yao, bali hilo lilijulikana, na kwa sababu hakuna faida yoyote. Na kwa sababu ya kauli yake "kwa usawa," na hapa tayari ulikwisha julikana uhaini wao kwa wote. Na maana yake isiyokuwa ya moja kwa moja ilionyesha pia kwamba ikiwa haitahofia hiana kutoka kwao, kwa namna kwamba hakuna chochote cha kuonyesha hilo kutoka kwao, kwamba hairuhusiki kuwatupia agano lao hilo, bali ni lazima kulitimiza hadi ukamilike muda wake.