الأنفال
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
إِنَّ شَرَّ ٱلدَّوَآبِّ عِندَ ٱللَّهِ ٱلصُّمُّ ٱلْبُكْمُ ٱلَّذِينَ لَا يَعْقِلُونَ ٢٢
{22} Yeye Mtukufu Anasema: "Hakika waovu mno wa wanyama wote mbele ya Mwenyezi Mungu" ni wale ambao hazikuathiri ndani yao ishara na maonyo, nao "ni viziwi" wa kusikia haki, "mabubu." Wa kuitamka haki, "wasiotumia akili zao" kwa yenye kuwanufaisha, na kuyapendelea kuliko yale yanayowadhuru. Basi hawa ndio waovu zaidi kwa Mwenyezi Mungu kuliko wabaya zaidi wa wanyama wote. Kwa sababu mwenyezi Mungu aliwapa masikio, na macho, na mioyo ya kutumia katika kumtii Mwenyezi Mungu, lakini wakavitumia katika kumuasi, na wakapoteza kwa hilo heri nyingi. Kwa kuwa walikuwa karibu kuwa miongoni mwa walio bora zaidi wa viumbe, lakini wakaikataa njia hii na wakajichagulia kuwa miongoni mwa wabaya zaidi wa viumbe. Na kusikia ambako Mwenyezi Mungu alikukanusha kuhusiana nao ni kusikia maana inayoathiri katika moyo. Na ama kusikia hoja, basi hakika tayari hoja ya Mwenyezi Mungu imeshasimama juu yao, kwa yale walisikia katika ishara zake.