الطور
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
أَمْ عِندَهُمْ خَزَآئِنُ رَبِّكَ أَمْ هُمُ ٱلْمُصَۣيْطِرُونَ ٣٧
{37} "Au wanazo hazina za Mola wako Mlezi au wao ndio wenye madaraka?" Yaani, je, wanazo hawa wanaokanusha hazina za rehema za Mola wako Mlezi, basi wakawa wanampa wamtakaye na wanamnyima wamtakaye? Ndiyo maana wakamzuia Mwenyezi Mungu kumpa utume mja wake na Mtume wake Muhammad – rehema na amani za Mwenyezi Mungu ziwe juu yake – kana kwamba wao ndio wasimamizi waliokabidhiwa usimamizi wa hazina za rehema za Mwenyezi Mungu, ilhali wao ni wenye kudharauliwa na madhalili zaidi kuwa hivyo. Kwani hakuna mikononi mwao uwezo wa kujinufaisha, wala madhara, wala mauti, wala uhai, wala kufufua. "Kwani wao ndio wanaogawa rehema za Mola wako Mlezi? Sisi tumewagawanyia baina yao maisha yao katika uhai wa duniani." Kisha akasema, "Au wao ndio wenye madaraka" juu ya viumbe wa Mwenyezi Mungu na ufalme wake kwa ushindi mkubwa na ukandamizaji! Sivyo hivyo jambo hilo. Bali wao wameshindwa na hata ni wahitaji zaidi.