النمل
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
قُل لَّا يَعْلَمُ مَن فِى ٱلسَّمَـٰوَٰتِ وَٱلْأَرْضِ ٱلْغَيْبَ إِلَّا ٱللَّهُ ۚ وَمَا يَشْعُرُونَ أَيَّانَ يُبْعَثُونَ ٦٥
{65} Mwenyezi Mungu anajulisha kwamba Yeye peke yake ndiye anayejua siri za mbingu na ardhi, kama alivyosema, "Na ziko kwake funguo za ghaibu; hakuna azijuaye isipokuwa Yeye tu. Na Yeye anajua kilicho nchi kavu na baharini. Na halidondoki jani isipokuwa analijua. Wala punje katika giza la ardhi, wala kinyevu, wala kikavu isipokuwa kimo katika Kitabu kinachobainisha." Na kama alivyosema, "Hakika kuijua Saa (ya Kiyama) kuko kwa Mwenyezi Mungu. Na Yeye ndiye anayeiteremsha mvua. Na anavijua vilivyo ndani ya matumbo ya uzazi..." hadi mwisho wa sura. Basi hizi ghaibu na mifano yake, Mwenyezi Mungu anazijua Yeye tu, na Malaika yeyote aliyekaribu naye wala Mtume aliyetumwa hazijui. Na ikiwa Yeye peke yake ndiye ajuaye hayo, na ambaye elimu yake inajua siri na mambo ya ndani na yaliyofichika, basi ni yeye ambaye haifai kumfanyia ibada yeyote yule isipokuwa Yeye tu. Kisha Yeye Mtukufu akajulisha juu ya udhaifu wa elimu ya hao wanaokadhibisha Akhera, huku akitoka katika kitu hadi katika kitu ambacho ni kikubwa zaidi kuliko hicho, akasema "Wala wao hawajui ni lini watafufuliwa" kutoka makaburini, basi ndiyo maana hawakujiandaa.