طه
هذه ترجمة لتفسير السعدي كما ينشرها IslamHouse.com في saadi.islamenc.com، مقروءةً من صفحات ذلك الموقع. لا يذكر الموقع من ترجمها ولا أي طبعة مطبوعة تتبعها، ولا يذكر شروطًا لأخذ نصّها، ولذلك لم يُتحقق من حق عرضها. لم يقارنها أحد بكتاب مطبوع، ولم يراجعها أحد من العلماء. يقف كل مقطع بجانب الآيات التي يعلّق عليها، وهي نص القرآن من Tanzil كما هو عنده؛ والآية التي لا يعطيها الموقع شرحًا خاصًّا بها تقف مع المقطع الذي قبلها، ويسمّي الفهرس كل آية من هذا النوع. لم يكتب سبيل شيئًا منها ولم يترجمه.
النص منsaadi.islamenc.comIslamHouse.comnone stated (the site names no licence and no terms for taking its text)أُخذ في 2026-10-22
كَذَٰلِكَ نَقُصُّ عَلَيْكَ مِنْ أَنۢبَآءِ مَا قَدْ سَبَقَ ۚ وَقَدْ ءَاتَيْنَـٰكَ مِن لَّدُنَّا ذِكْرًا ٩٩
{99} Mwenyezi Mungu Mtukufu alimpa neema Mtume wake – rehema na amani ziwe juu yake – kwa yale aliyomsimulia ya habari za waliotangulia. Kama kisa hiki kikubwa, na hukumu na mengineyo ndani yake, ambayo hapana hata mmoja katika Watu wa Kitabu ambaye anakanusha. Hukusoma habari za watu wa kale, na wala hukujifunzia kwa waliozisoma. Kukuambia ukweli na uhakika wa habari zao ni dalili ya kuwa wewe ni Mtume wa Mwenyezi Mungu, na uliyoyaleta ni ya kweli. Na ndiyo maana akasema: ''Na tumekujia kutoka kwetu,'' zawadi ya thamani na ruzuku kubwa kutoka kwetu; ''ukumbusho.'' Hii ni Qur-ani Tukufu; ukumbusho wa habari zilizotangulia na zilizofuatia, na ukumbusho ambao kupitia kwao majina na sifa kamilifu za Mwenyezi Mungu Mtukufu hukumbukwa, na hukumbusha masharti ya amri na makatazo na hukumu ya malipo. Hii inaashiria kuwa Qur’an ina hukumu bora zaidi ambayo akili na miili ya asili hushuhudia wema na ukamilifu wake. Na Qur-ani inataja kilichowekwa na Mwenyezi Mungu ndani yake. Na ikiwa Qur’ani ni ukumbusho wa Mtume na umma wake; Ni muhimu kuipokea kwa kukubalika, na kunyenyekea na kuheshimiwa, na kuongozwa na nuru yake kwenye njia iliyonyooka, na kuiendea kwa kujifunza na kufundisha.